حديثنا عن الكاتبه الشابه بنت محافظه القاهره التي تبلغ من العمر 19 عاماً.
س1/ما اسمك وعنوانك وسنك؟
_اسمي: مريم مجدي
عنواني: القاهرة- احمد عصمت
سني: 19
س2/نوع موهبتك؟
_نوع موهبتي:كاتبة وروائيه ومحررة صحفية.
س3/ متي بدٲتي مسيرتك الفنيه وكيف؟
_من 5 سنين تقريبًا، كنت وقتها في 1 ثانوي..
ازاي؟ بدأت كتابتي كانت عبارة عن مسدجات positive energy وكانت شبه ناجحة، ومن كتر قرأتي للروايات، قدرت اكتب رواية لوحدي ونزلت على الـ Wattpad وجابت مليون مشاهدة حاليًا، وشوية شوية لما لقيتها ناجحة اتشجعت اكتر وبدأت اتطور من موهبتي عن طريق قراءة اكتر، وأخد ورش عن الكتابة، من حيث اكتسب خبرة اكتر..
س4/كان يعلم احد ب موهبتك عندما بدٲتي؟
_اها، كان صحابي، ثم اهلي، ثم الميس بتاعتي
س5/ سبق وحضرتي حفله من قبل؟
_كانت كذا حفلة
حفلة تبع "مبادرة غلمان الأدب"
و مرتين تبع "المليون كاتب"
ومرة تبع "كيان درة"
ومرة تبع "مبادرة عدم الاستغلال"
ومرة تبع "كيان طفرة"
س6/حصلت علي شهادات الكترونيه او ورقيه من قبل؟
_اها..
في شهادة استلمتها من دكتور أحمد المنزلاوي، لما خلصت معاه الورشة بتاعت الكتابة
وشهادات تقدير من كذا كيان ومبادرة.
س7/ماهو اصعب شيء واجهك في الوصول لحلمك؟
_شغفي اللي كنت فقده من فترة للتانية، حتة اني اقنع اللي حواليا اني فعلًا عندي موهبة دي كانت صعبة، وصعب يقتنعوا، والاستهانة والسخرية اللي كنت بواجهها
س8/كيف تواجهين الانتقادات؟
_كنصائح، حتى لو وجعتني ووقعتني كنت ستخدمها كعكاز اللى هسند عليه عشان اقف على رجلي من جديد
س9/شاركتي في كتب ورقيه من قبل؟
_اهااا
شاركت في كتاب "أين أنا؟" و "ضحايا القلوب" و" كلنا عروس للقدس" تبع كيان "طفرة"
و"ما وراه النبض" و"ضجيج فكر" "سراديب القلوب" و"شتات وجداني" تبع مبارة "المليون كاتب"
و"كيان درة" تبع كيان "درة"
و"حكايات مروية" تبع مبادرة "غلمان الأدب"
س10/ماهي النصحيه التي تقدمها للشباب؟
_الحلم ولا هو عيب ولا هو حرام، مش عيب انك تقع وانت بتسعى وبتحاول عشان توصل، العيب انك لما تقع ماتقومش تاني.. والحلم اللى ماتعرفش توصله وربنا مش كتبه من نصيبك، أحلم بغيره واسعى لي لغاية ماتوصل، طول ماانت بتسعى وتجتهد ربنا هيوصلك للى افضل ليك..
بقلم الصحفيه/روضه جمعه.
من جريده لحن