حوار صحفي من الكاتبه مريم محمد ونتمنى لها التوفيق.
_أسمك؟
= مريم محمد نادر
_عندك كام سنة؟
= شهقول دلوقتى
_منين؟
=المنصوره بنت محافظه الدقهلية
_اي هي موهبتك؟
= الكتابه والالقاء بس مش غاويه القى لانه لازمه فيديوهات تتعمل علشان اتعرف
_أكتشفتِ موهبتك ازاي؟
= صدفه كنت بقعد اكتب كلام فى دماغى كده ومش بهتم كتير ومره واحده لقتنى فتحت الاكونت بتاعى وكتبت اسكريبت
_مين دعمك؟
= انا الداعم لنفسى بس فى صحبتى من الفيسبوك هى كمان دعمتنى جدا جدا غير كده مفيش حد
_بتواجهي الانتقادات ازاي؟
=بحب اخد الامور ببساطه وردى على الانتقاد بذوق بيخلى صاحبه يتراجع فيه
_اي هي الصعوبات اللي واجهتك؟
= انى كنت بفقد الشغف كتير لانى بمر بفتره مش لطيفه ومكنش فى حد داعم غير المتابعين اللى فى قلبي
_إنجازاتك؟
= مؤسسة كيان حلم كاتب ونائبه محافظة الدقهلية فى احدى المبادرات شاركت فى كتب ورقى وخدت لقب صاحبه افضل قصه فى مسابقه بجانب شهادات التقدير
_قدوتك في الكتابة؟
=مفيش ولو فيه هايبقا حسناء عطوان
_كتاب قرأتيه وترك أثر طيبًا، تنصحي بيه الكثير.
= غالبا اسمه اكستاسى وكان بيشرح اللى بنمر بيه فى حياتنا
_رسالة منك للكُتاب المبتدئين.
= متيأسوش ابدا مهما كانت الأسباب وفقدان الشغف ده صديق للإنسان اصلا فميش داعى نديله اكبر من حجمه خدلك فتره راحه وارجع كمل وعادى تبقا الداعم الوحيد لنفسك وبعد نجاحك هاتشوف نظره الفخر بيك والدهشه فى عين كل واحد قال ده فلان ده مش هيوصل.
كانت معكم الصحفية: شهد يحيى *روبين سبتمبر*