سنتحدث في هذا المقال عن شاب تعدى حواجز وعقبات ليحكى لنا قصة كفاحه ونجاحه؛ ليعلمنا أن من سعى لن يذهب تعبه وأن القادم أفضل، من استسلم لن ينل سوى الفشل، سنقدم لكم هذا النموذج من شاب طموح أضاء شعلة نجاحه بنفسه وثابر حتى تقدم لنجاحه.
الاسم :محمد خالد ابونار
السن:٢٢سنه
محافظه: كفر الشيخ مركز مطوبس.
ممكن تكلمنا عن محمد كاشخص وكحياه عامه؟
لي حدوته أنا بفتخر بيها جدا تعالي نقري قصه حياه ونجاح مع بعض:
أنا كنت في الاعدادي طيب جدا والتعامل مع الناس محدود وكنت شاطر اوي اوي اوي وكنت بحب اطلع في الاذاعه المدرسيه بصفه مستمره لحد ما بقيت ثابت كل يوم في الاذاعه المهم عدت اول سنه وتأني سنه ومستمر في النجاح والتفوق وتالته برضو شاطر جدا دخلت الامتحان وكالعاده الشاطر بنلاقي كل اللجنه عليه منتظره يكتب حرف راح المراقب علشان يعاقب اللجنه اخد مني أنا الورقه وجبت ماده في تالته اعدادي والحمد لله نجحت وجبت مجموع 205,5 قولت بس الحمد لله جيبت ثانوي لان الثانوي طول عمره بياخد من 190 و بينزل ل180 لجل النصيب بقي الثانوي أحد من 225 قولت الحمد لله. فقررت ادخل صناعه واجيب كليه هندسه مفيش حد مصدق المهم روحت اشتغلت في فرن عيش علشان اقدر اصرف علي المواصلات لاني كنت ملتزم جدا في حضوري أقل يوم مواصلات بس 10 جني دا غير بقي ماهشتري حاجه يعني 15 جني كل يوم دا بالميت خالص المهم استمريت سنتين في الفرن لحد مااجازت تانيه الكبيره جت اشتغلت حلاق اتعلمت في الاجازه ولما دخلت تالته صناعه اتعلمت كويس وذاد دخلي من الفلوس لاني خلاص اتعلمت ودا ساعد كتير معايا في الدروس والالتزام الحمد لله خلصت دبلوم صناعي ولكن مرور الفتره دي اتعرفت علي ناس كتير وناس كانت فعلا سند ليا وزرعت في شخصيتي حاجه حلوه وبدأت ببناء اول طوبه في كيان يسمي محمد ابونار. هي الاستاذه الدكتوره شيماء الحلواني. امي بعد امي. ثم انتقلت اي مرحله التي تليها وهي دخولي علي حسب التنسيق. المعاهد العليا كينج مريوط للحاسب الالي نظم ومعلومات اداريه ومع اول دخول سنه أولي جامعه كنت فتحت صالون خاص بيا والحمد لله كنت بواجه صعوبه شديده ولكن أنا مسكت العصا من النص وفقت بين الشغل والكليه وعديت اول سنه وتأني سنه وبعدين فتحت صالون اكبر ومستوي شغلي بقي اعلي مع دخول سنه تالته وكمان دخلت سنه رابعه كانت صعبه اوي عليا بشويه حجات ولكن الحمد لله اتغلبت عليها وفي سنه رابعه جامعه بدأت الشخصيه السياسيه تتكون وبدأت ادور علي اي خيط اوصل بيه لدكتوره شيماء الحلواني ولكن كل الطرق انقطعت ولكن لسه عندي امل لو هنزل بلدها وادور عليها دخلت حزب مستقبل وطن. ومن الحزب بدأت بتكوين علاقات كتيره جدا واتعرفت علي تاني شخصيه وضعت تاني طوبه في تكوين شخصيتي وبناء علاقات ومعارف وبدأت تسحبني لفوق هي الدكتوره ناديه عبدالله المدهون ندوات وحفلات واجتماعات وكل شي معاها حتي أراد الله صدفه لقيت الايميل الخاص بالدكتورة شيماء قدامي بدون تردد دخلت كلمتها فورا واتكلمت كلام طالع من صميم قلبي فعلا فرحت بكلامي وبيا جدا ابن ورد لامه بعد غياب طويل اوي المهم طلبت مني اروح اقعد معاها شويه مع اول مقابله قالت عندنا احتفال في مدريه كفر الشيخ الاسبوع الجاي وانت معايا فقولت جاهز اول ما روحت لقيت مسؤول منظمه اليونسيف جاي من امريكا في اليوم دا كان حاجه عظمه وكانت كاتبه اسمي من ضمن الناس اللي هتقوم تتكلم فلما لقيت عيال صغيره وشباب اصغر مني لما بتقوم تعرف نفسها بتقعد ربع ساعه تتكلم عن شهادات ودورات وندوات وحجات كتيره جدا وانا مفيش ولا دوره ولا شهاده ولا اي شي أخته لان فعلا نحن كمزكز مطوبس منعدم فكريا وكل شي أنا اتحرجت اقوم اعرف نفسي بعدين اليوم عدي وانا زعلان علي نفسي من اللي أنا شوفته ومن هنا كان القرار :
اولا اخت تدريب مشواري وتم تأهيلي علشان اكون مدرب معتمد لدي منظمه اليونسف الدوليه ووزاره الشباب والرياضه قياده شبابيه لدي مبادره حياه كريمه لتطوير الريف المصري. امين لجنه الاعلام لاتحاد شباب كفر الشيخ امانه مركز مطوبس ومراسل اعلامي لدي قناه صوت العرب الفضائيه فوتوغرافر مراكز شباب مصر. عضو اتحاد شباب العرب. حضرت مؤتمر الرئيس عبد الفتاح السيسي احتفال تدشين حياه كريمه اخت دورات تدريبيه تبع ميكروسوفت عضو صندوق تحيا مصر. سفير للمناخ وعدت مناصب وأماكن تواجت فيها ويوم بعد يوم اسمي بيكبر وشخصيتي بتكبر ولسه حافظ الجميل وهفضل حافظ لحد ما اموت شكرا لكل فرد كان سبب في مكاني لو بكلمه حلوه
#ابويا. خالد ابونار
# شيماء الحلواني
# ناديه المدهون
الابن البار محمد خالد ابونار .
في نهاية هذا المقال أود شكر المدرب المتألق متمنين له المزيد من التقدم والازدهار، واتمنى ان ينل إعجابكم هذا القاء مع المدرب محمد خالد .