سنتحدث اليوم عن فتاة شابة تعدت الإحباط وأكملت في طريقها إلى النجاح أرادت تحقيق النجاح والسعى إليه، ونبدأ بسؤال هذه الكاتبة المتألقة عن:
_عرفينا بنفسك:
=ميرنا محمد رشوان "بحب ميرا اكتر"، 20 سنه
من المحافظة بني سويف
_الموهبة:
=كتابه بأنوعها، إلقاء، ونوعا ما بعرف ارسم
_كلمينى عن ميرا ككاتبة وكحياة عامة:
=ميرا الكاتبه بحسها ناضجه اكتر اجتماعيه زياده عن اللازم، ماشيه تنصح وتطبطب وتوصف مشاعرها ومشاعر اللي حواليها بكلام، ميرا ف الحياة العامه انطوائيه اوي ومش بسهوله بتعرف تتعامل مع اللي حواليها.
_بدأتِ امتى؟
=من حوالي خمس سنين كنت ف تالته اعدادي
_اكتشفتِها ازي؟
=قرأت روايه وقلت اي اللي ميخلينش اكتب حاجه حلوه كده وبالفعل اول حاجه كتبتها كانت روايه.
_نوع الكتابة:
=بحبها بكل انواعها؛ شعر خواطر روايه قصه قصيرة والحمد لله شبه متمكنه فيهم.
_مين دعمكِ؟
=ماما الداعم الاول والوحيد.
_إنجازاتك و الكتب الي اشتركتي فيها:
=لدلوقت كتبت اربع روايات بس منشرتهمش ورقي، اشتركت ف كتابين مجمعين للخواطر نزلو معرض القاهرة ومعرض اسكندريه.
_اشتغلتي ليدر او مؤسسة قبل كده و في كيان ايه؟
=اشتركت ف كيانات كتير ك ليدر ولكن للاسف من الانشغال سيبت كله، وكنت مؤسسه كيان نيسان ولكن باردو سيبته
_الكيانات الي كنتي فيها:
=أفلاطون، ضجر، وحي القلم نيسان.
_نفسك توصلي لأي في مجالك:
=اني ابقي متمكنه اكتر واني انزل برواياتي المعرض واكون من ضمن الكتاب المشهورين اللي بحبهم.
_تعرضتِ لحاجة احبطتك قبل كدَ في مجالك:
=كتير؛ انه مثلا مين اللي بيقرا او الكتب راحت عليها او مش هتوصلي احباطات كتير بس متأثرتش.
_شايفة ميرا فين بعد سنة؟
=في المكان اللي فيه الخير اللي ربنا محددهولي ايا كان.
_رسالة تحبي تقوليها لغيرك:
=بلاش يأس مهما مريت بهزايم واحباطات وترك بلاش تيأس وتتأثر اشتغل ع نفسك وحبها وقويها لان محدش هيسندك غيرها.
_في نهاية هذا القاء أحب أقول اتشرفت بالحوار معاكى .
=تسلميلي.
في نهاية هذا المقال أود شكر الكاتبة المتألقة ميرنا محمد رشوان متمنين لها المزيد من التقدم والازدهار، وأتمنى أن ينل إعجابكم هذا القاء اللطيف مع الكاتبة المتميزة ميرنا محمد رشوان.
بالتوفيق ي ميرنا يااااارل😍♥♥
ردحذف