السلام عليكم أنا الصحفية/ يمنى عادل
من جريدة لَحن الأدبية والأخبارية، ممكن الموافقة أنى أعمل حوار صحفى معاكى ؟
" اتفضلى..."
١- ممكن تعرفى نفسك فى بضعة سطور؟
" إسراء خورشيد، أولى جامعة " كلية الإعلام" بكتب من حوالى ٣ سنين.
٢- ممكن تقولى لينا بدأتى كتابة أمتى؟
" من وأنا فى أولى ثانوى بالظبط يعنى من ٢٠١٩ "
٣- مين أكتر الشخصيات اللى قابلتك فى مجال الكتابة وأثرت فيكى ككاتبة ؟
الصراحة كتاب كتير بس أسماء محددة صعب أقول لأنى عموماً بتعلق بأى كاتب بيعرف يكتب لأن كل الكتاب عظماء ويقدرو
٤- هل واجهتك صعوبات فى المجال ؟ وازاى تخطتيها واتعاملتى معاها ؟
طبعاً دى حاجة أكيدة اى إنسان فى بداية اى مشوار بيلاقى صعوبات كتير قدامة، أتعاملت معاها بدماغى لأن إللى بيبقا عاوز يوصل لحاجة بيوصل ليها مهما مر علية أى صعوبات
٥- بالنسبالك الكتابة هواية أو موهبة ولا ممكن أى شخص
يكتب عادى ؟
الكتابة موهبة طبعاً ولا يمكن تكون هواية ومش أى حد بيعرف يكتب لأن مش كل الناس بتعرف تعبر دى بتبقا حاجه موجودة فى أى كاتب بس
٦- من رأيك الكاتب المثالى أو الناجح بيتصف ب إية ؟
بيتصف بالكلمات المؤثرة إللى بتوصل قلب القارئ بسهولة
٧- مين مثلك الأعلى ؟
مثلى الأعلى الكاتب الكبير نجيب محفوظ
٨- مين وقف جنبك وشجعك فى أول خطوة ليكى فى المجال ؟
طبعاً ماما واختى أول ناس وصحاب قريبين منى أكتر ناس شجعونى وكانوا فى ضهرى وهما عارفين نفسهم بدون ذكر أسماء
٩- كلمينا عن إنجازاتك ؟
يعنى أنا لسة فى بداية المشوار أيوة وصلت لأنجازات كتير بس برضو لسة موصلتش للأنجاز الحقيقى وإن شاء الله هوصلة قريب
١٠- كلمينى عن خططك المستقبلية فى مجال الكتابة ؟
إن شاء الله فى المستقبل بخطط أنى أعمل كتاب يكون بأسمى وهناقش فية قضايا مهمة وهتكون فى مقالات ملموسة وهتخاطب الناس
١١- هل عندك مواهب تانية ؟
أيوة عندى موهبة الألقاء الشعرى كمان
١٢- سمعتى عن جريدة لَحْنّ ؟
أيوة سمعت عنها وإنها بتدعم المواهب
١٣- تتمنى إيه من الجريدة الفترة الجاية ؟
إنها تركز مجهودها وتهتم بالمواهب أكتر، لو تقدر توفر ليهم مشاركات حقيقة على أرض الواقع
١٤- وجة كلمة للكتاب والجريدة ؟
كلمة للكتاب: كملوا وأمشوا فى طريقكوا لأن الكتابة شئ جميل بيبعدك عن تعب العالم
كلمة للجريدة: شكراً لدعمك للمواهب
١٥- كلمة أخيرة نختم بيها الحوار الصحفى ؟
أحب أقول لكل الناس لما تلاقى حد عندة موهبة أدعمة وأقف جنبة لأن دعمك لية بيفرق معاة كتير وممكن تكون سبب فى أنة يكون حاجة فى المستقبل
وطبعاً مبسوطة جداً بالحوار مع حضرتك شكراً جزيلاً
اللهم بارك
ردحذف