السلام عليكم أنا الصحفية/بيري محمد من جريدة لَحْنّ الأدبية والأخبارية، ممكن الموافقة أني أعمل حوار صحفي معاكِ؟
-وعليكم السلام ورحمة الله تعالى وبركاته، أيوا موافقة.
١-ممكن تعرفي نفسك في بضعة سطور؟
-أنا إسمي مريم محمد رفيع، عمري 20 سنة من المغرب، طالبة السنة ثانية كلية علوم قانونية وإقتصادية.
٢-ممكن تقوليلنا بدأتِ كتابة أمتى؟
-بدأت الكتابة من لما كان عمري 12 سنة يعني حوالي 8 سنوات.
٣-مين أكتر الشخصيات اللي قابلتك ف مجال الكتابة وأثرت فيكِ ككاتبة؟
-بصراحة عُمْري مكان ليا احتكاك مباشرة مع كُتاب كبار ومعروفين كده، بس من بعيد لبعيد في ناس كثير أثرت فيا زي، جهاد الترباني، حنان لاشين، نجلاء حسن، وغيرهم كُتاب كثار خلوني أعشق الكتابة بجد وأسعى أطور ذاتي فيها.
٤-هل واجتهك صعوبات ف المجال؟ وازاي تخطيتيها واتعاملتِ معاها؟
-أكيد صعوبات كثيرة، زي إن الناس بتنتقد كل كتاباتي نقد غير بناء، أو مثلا مش بلاقي دعم على النصوص إلي بكتبها، بس الحمد لله إتعلمت اني بكتب علشاني أولاً، ثم علشان الناس إلي هتقدرني وتقدر كلماتي، واتعاملت مع المشاكل دي بإني كل يوم بصحح في نفسي وفي كتاباتي حجات بتخليني أتقدم خطوة للأمام.
٥-بالنسبالك الكتابة هواية او موهبة ولا ممكن اي شخص يكتب عادي؟
-بالنسبالي، الكتابة موهبة من عند ربنا زيها زي موهبة الصوت القوي في الغناء أو الرسم أو غيرهم، وهيا هِبَة ربانية مش أي حد بيمتلكها، ولي عاوز يكتب لازم فعلا يبقى موهوب وبعدين هو يقرر إن كانت هتبقى مجرد هواية أو مهنة يمتهنها.
٦-من رايك الكاتب المثالي او الناجح بيتصف ب اي؟
-من رأي الكاتب الناجح بشكل أدق هو لي بيتصف بالمهنية في عملو، مش بيخلي القلم لي بين إديه يكتب حاجة مش كويسة أو ينقل بيه أفكار وحشة للناس، والكتاب الناجح هو لي بينتج حاجة جديدة بعمرها ما جت للوجود غير من خلالو هو وبس مش يعمل نسخ لأفكار حد ثاني أو يقعد يجيب مواضيع مستهلكة ويكتبها من أول وجديد، الكاتب الناجح هو لي بيكون سبب ولادة فكرة جديدة للوجود.
٧-مين مثلك الأعلى؟
-ولله المثل الأعلى، بس الشخص لي بقدر أقول إنه ملهمي بطريقة مش تتوصف هو الدكتورة حنان محمود لاشين علشان بسبب كتبها عشقت الكتابة أكثر وحبيتها أكثر.
٨-مين وقف جمبك وشجعك ف اول خطوة ليك ف المجال؟
-أول حد وقف جنبي وشجعني في المجال ده، هو ماما ربنا يديم وجودها، وبعد كده إخواتي وبابا، وبعض الناس.
٩-كلمينا عن انجازاتك؟
عندي كدا نص إتنشر على جريدة إسمها هُنُوفْ، وان شاء الله قريبا هعمل سلسلة خواطر بعنوان إلى المجهول، هيا قيد الكتابة وهتكون أول عمل خاص إن شاء الله.
١٠-كلمينا عن خططك المستقبلية ف مجال الكتابة؟
ان شاء الله قريبا هعمل سلسلة خواطر بعنوان إلى المجهول، هيا قيد الكتابة وهتكون أول عمل خاص إن شاء الله
١١-هل عندك مواهب تانية؟
عندي موهبتين بساط كده، الإِلقاء، والغِناء، وتقمص الشخصيات الكرتونية بالصوت.
١٢-سمعتِ عن جريدة لَحْنّ؟
-سِمْعت عنها، وانا جُزءْ من الجريدة دي وان شاء الله يكون عندها مستقبل مُبهر بإذن الله.
١٣-تتمني اي من الجريدة الفترة الجاية؟
-أتمنى من الجريدة الفترة الجاية إنها تدينا شُغل جامد كده، وإنها تبقى مستمرة علشان وجودها دافع لينا إننا نكمل ونشتغل.
١٤-وجهي كلمه للكُتاب والجريدة؟
-لكل الكُتاب لي ضمن الجريدة دي، دمتم مبدعين ان شاء الله، وربنا يبارلكم إبداعكم ده، وللجريدة الحلوة دي إستمري علشان أنا عشمي فيكي كبير.
١٥-كلمة أخيرة نختم بيها الحوار الصحفي؟
-شكرا لأحلى صُحُفِية قابلتها في حياتي، وبتمنى ليكي التوفيق دائما وأبدا إن شاء الله.
سعدت جدًا بالحوار مع حضرتك شكرًا جزيلًا.
-الشكر لله، وانا كمان سعدت جدا بالحوار الجميل ده.