مساء الخير
أنا الصحفية/مريم مصطفي
من جريدة لَحْنّ الأدبية والأخبارية، ممكن الموافقة أني أعمل حوار صحفي معاك؟
معاكي
-ممكن تعرف نفسك في بضعة سطور؟
محمد الدسوقي مصطفى
طالب في الفرقة الثالثة كلية التربية جامعة عين شمس
مدير دار مختلف للنشر والتوزيع
حاصل على المركز الأول في مسابقة الدوري الثقافي وكأس المعرفة على مستوى جامعة عين شمس
حاصل على المركز الأول في مسابقة الكأس العلمية على مستوى كلية التربية
حاصل على المركز الأول في مسابقة القصة القصيرة على مستوى كلية التربية
صدر لي عدة كُتب ورقيه سابقاً منها { بيكيليا، كاتب مصري}
وأخيراً صدر لي كتاب بدون ذكر أسماء صادر عن دار مدينة الكتب للنشر والتوزيع
-ممكن تقولنا بدأت كتابة أمتى؟
بدأت كتابة من 2015
وبدأت انشر اللي بكتبه واعرضه على اصحابي وعلى حساب الفيس بوك بتاعي من 2018
أيه الصعوبات والعوائق الي كانت بتواجهك ؟
قلة الدعم
قلة الثقافة اللغوية وانا صغير لأني مكنتش بقرأ كتير لحد 2017 يعتبر مكنتش يقرأ غير على فترات متقطعه
أزاي قدرت تتخطي العوائق دي؟
عملت اكونت تاني ليا ساعتها وبدأت ادخل جروبات كتير وانشر كل اللي بكتبه بدأ الموضوع يبقى احسن شوية
ولقيت أن أنا مبتطورش فبدأت اقرأ اكتر من على النت وهكذا وبعدين بدأت اشتري كتب وأقرأ في كتب تخص اللغة من نحو وبلاغة وهكذا لحد ما بعد كده دخلت القسم اللي أنا فيه وكل حاجة اختلفت بعدها.
ممكن تقولنا مين الناس الي كانت بتدعمك و وقفت جمبك ؟
والدي ووالدتي وصديق عمري محمود عماد.
مين مثلك الأعلي ؟
نجيب محفوظ.
كلمنا عن إنجازاتك ؟
مدير دار مختلف للنشر والتوزيع وإن شاء الله القادم هيبقى طفره في مجال النشر
حاصل على المركز الأول في مسابقة الدوري الثقافي وكأس المعرفة على مستوى جامعة عين شمس
حاصل على المركز الأول في مسابقة الكأس العلمية على مستوى كلية التربية
حاصل على المركز الأول في مسابقة القصة القصيرة على مستوى كلية التربية
صدر لي عدة كُتب ورقيه سابقاً منها { بيكيليا، كاتب مصري}
وأخيراً صدر لي كتاب بدون ذكر أسماء صادر عن دار مدينة الكتب للنشر والتوزيع.
أزاي قدرت تبقا مدير دار في سن صغير ده ؟
الفكره كلها إني عندي خبرة في مجال الشغل ودور النشر وهكذا وكان عندي مبادرة للنشر المجاني السنة اللي فاتت وحالياً مشيت في الإجراءات عشان اقدر اكون دار نشر مستقله بتهتم بالكاتب والنشر وازاي الكاتب يعمل دعايه كافيه لنفسه لأن بنشوف كتب كويسة جدا بتموت بسبب عدم الدعاية والتسويق وهكذا فأنا حاولت اشوف ايه اغلب المشاكل الموجوده واعالجها بقدر الإمكان واشتغل في حاجة بحبها كمان
تنصح الشباب الي لسه طالع وعنده طموح جميل زي طموحك ب ايه؟
إن مفيش حاجة بتيجي غير بمجهود وتعب وأهم حاجة التطور والإصرار.
هل سمعت عن جريدة لحن قبل كدا؟
بصراحة دي أول مره
تحب توجه لجريدة كلمه؟
بتمنالكم كل التوفيق فيما هو قادم ودوام التقدم والازدهار وفي انتظار يوماً ما الاعداد الورقيه.
كلمة أخيرة قبل ما ننهي الحوار الصحفي ؟
بشكرك على الوقت اللطيف ده وبتمنالك كل التوفيق فيما هو قادم .
💛💛💛
ردحذفجامد💛
ردحذف