_ ممكن نبذه تعريفيه عنك؟
= ميار محمد مصباح
21 سنة طالبة في تالتة تجاره انجلش جامعة المنصورة.
_ بدأتي كتابه من امتي؟
= من زمان من ايام ما كنت في اعدادي كنت بحب اكتب خواطر وبعدين وقفت فتره طويلة ورجعت اكتب محتوي وان شاء الله مشاركتي في الكتاب هتكون اول خطوة ليا اني ارجع اكتب تاني خواطر
_ايه الصعوبات الي بتواجهك؟
=واجهتني صعوبة اني عشان موقفه من زمان مكنتش عارفه ارجع تاني اكتب بس الحمدلله خدت الخطوه وقدرت
_ازاي قدرتي ترجعي تاني؟
=قررت من فتره اني اتعلم كتابة المحتوي وبدأت فعلا وخدت كورسات ومع الكتابة بدأ الإبداع يرجع واجيب افكار ومن هنا رجعت تاني للكتابة وقررت اني اشارك في الكتاب
_ايه اهم إنجازاتك؟
=اني قدرت ارجع تاني للكتابه وده جه من خلال التطوع.. تطوعت في اكتر من مكان وده ساعدني اكتشف نفسي واطلع حاجات كتير كانت موجوده جوايا مكنتش واخده بالي منها.
_ايه خططك الجايه؟
=ان شاء الله يكون ليا كتاب كامل السنة الجاية.
_من وجهة نظرك كاتب ناجح بيتصف ب ايه؟
= الإبداع أهم صفة في الكاتب الناجح.
_وسط ادبي مفتقر ايه؟
= للرقي في الكتابة، والاهتمام بالمشاكل اللي بتواجهه الناس محتاجين نتكلم عنها اكتر ونتكلم كمان عن حلولها.
_كلمه لكُتاب مبتدئين؟
=اكتبو كتير متوقفوش وطلعوا كتابات وحشه عادي واتعلموا منها وطلعوا بعد كده الاحسن لكن اهم حاجه متوقفوش.
_سمعتي عن جريده لحن قبل كده؟
=لا بصراحه اول مره
_كلمه أخيرة نختم بيها؟
حابه انصح اي كاتب مبتدئ وأقوله خلي أوجاعك ومشاكلك تخليك تكتب اكتر مش توقفك.