أبدأ منين؟
من آخر فراق
ولا من بداية
اللقاء؟
حبيبي، روحي
وفؤادي
ظهورك نغمة
بتتردد في وداني
في كل لحظة
صوتك نبرة
حلوة زي الشذى
وعيون تخلي
الواحد سكران
من نظرة واحدة
دقات قلب
مع رعشة إيد
وخجل مرفوع
على الخدود
إزاي والقمر
موجود جانبي
مش في السما
السبعة؟
من كتر الفرحة
بقيت طايرة
من غير جناحات
إزاي يكون فيه
الحب كله لعابر
سبيل شوفته
من مرة في اليوم
من صدفة طريق
واتغيرت الأقدار
وبقيت من العشاق
المغرمين؟
دعاء محمد