مساء الخير
أنا الصحفية/مريم مصطفي سعيد
من جريدة لَحْنّ الأدبية والأخبارية، ممكن الموافقة أني أعمل حوار صحفي ؟
أهلا بحضرتك ، طبعا موافقة
بس لو ممكن لينك الجريدة فضلا ؟
اول ما حوار يخلص هبعتلك لينك
ممكن نبذه تعريفية عنك؟
إسمي الكامل أسماء محمود ، اخترت أسمي نفسي "ورد" كإسم شهرة ، عندي 17 سنه طالبة بالصف الثالث الثانوي بقسم الآدبي ، من محافظة المنوفية مركز الباجور
امتي بدأتي كتابه؟
من وأنا صغيره ونا بكتب مع نفسي وبحاول بس محدش كان يعرف موهبتي خالص،كنت بكتب مع نفسي فقط، لكن جيت من فتره ليست بقصيره، وبدأت اكتب اقتباسات صغيره وشويه شويه كتبت خواطر كبيره وبدأت اشتغل علي نفسي وانشر علي الاكونت بتاعي وعلي قناتي التليجرام وبدأت اشتغل كتير علي نفسي
ازاي بتواجهي عوائق الي بتواجهك؟
دائماً اقوي ثقتي بنفسي، وأبحث عن الاشخاص الذي تدعمني وابعد عن كل من يحبطني ويقلل من شأني، دائما اشجع نفسي، وهذا الذي جعلني أُواجهه جميع العوائق التي تلحقني
مين مثلك الأعلي
مثلي الاعلي في حياتي هو أبي، ولكن ف الوسط الادبي هو الكاتب عمرو حسن من افضل الكتاب بالنسبه لي
كاتب ناجح بيتصف ب ايه؟
الشهرة دي اول حاجة بتبين نجاح الشخص طبعا،والنجاح ليه معاني كثيرة مش هنقدر نقولها كلها بس عموما لو على نفسي فهقول النجاح بالنسبالي هو النقطة اللي هحس فيها اني أنا فخوره بنفسي
وسط ادبي مفتقد ايه؟
مفتقد ناس أدبية، ناس مبدعة
وجهي كلمه لكُتاب مبتدئين؟
كونوا واثقين فنفسكم و فإبداعاتكم و كل ما تسمحلكم الفرصة تطوروا من موهبتكم و تظهروها اعملوا كده على طول، لا تستسلمو لعقلكم وهرموناتكم المتقلبه، كونوا قد المسؤليه واسعو واجتهدوا لكي تحققوا اهدافكم
مين ايه خططك المستقبليه في مجال كتابه؟
عايزة بإذن الله أطلع بعمل فردي ليا بعد مشاركتي فكتب مجمعة
سمعتي عن جريده قبل كده؟
ايوه بس دي أول مرة أتعامل معاها
تتمني ايه من جريده فترة جايه؟
أتمنى من الجرايد تشجيع الشباب و المواهب الصاعدة و الدعم اللي قليل بيلاقوه
كلمه اخيره ننهي بيها حوار ؟
و نختمها باني اتمنى أن أبقى الكاتبة المفضلة لأحدهم بعد قراءته الحوار ده ، و أشكر حضرتك على الحوار اللي كان حلو معاك و شكرا على استضافتك ليا
العفو يحبيبي