أختلفت الكاتبة رحاب باختيارها لعالم الفنتزيا والرعب، طموحة ومثابرة، خمس سنوات في حب الكتابة والإبداع، فتاة مفعمة بالأمل، لا تهتم بوجود القليل مِن الثغرات لأنها تثق في موهبتها.
أهلًا بيكِ في جريدة لحن
أول سؤال
كم عمرك، ومِن فين أنتِ؟
_21 سنة، نشأت في الفيوم في مركز سنورس تحديدًا ومازلت مقيمة هناك.
بتدرسي ايه؟
_بدرس في كلية الأداب قسم التاريخ في جامعة الفيوم.
مجالات كتابتك المفضلة؟
_فنتزيا ورعب بالأضافة إلى أني أبدع في الرومانسية.
أنطباع اهلك عن دخولك في المجال وهل حد فيهم عارضك؟
_الحقيقة أن أهلي شجعوني جدًا، عندي أربع شباب أخوات بس دائمًا بيشجعوني وبيفضلوا كتاباتي في الرومانسية أكتر.
ايه أكثر صفة مميزة في شخصيتك وشايفة أنها سبب لنجاحك؟
_أني لا أخضع لرأي أحد، وأني بستمر رغم وجود مثبطات.
سنك صغير هل دا كان عائق ليكي في أنك تدخلي المجال وخصوصًا أنك كاتبة مبتدئة؟
_مِن وجهة نظري الموهبة والعمل الجاد لا يرتبط بسن معين، فى دُور نشر بتساعد المبتدئين عمومًا فى نشر أعمالهم ودار الأحمد منهم، الكتابه محتاجه خبرة وموهبة بس السن ملوش علاقه وأنا مش على قدر كافي من الخبرة ولكن الحمد لله الرواية عجبت ناس كتير و ده توفيق من الله اولًا بس.
ازاي بتنظري لنفسك مع نجاح الرواية؟
_أني محتاجة خبرة أكتر، لأن أملي أني أحقق إنجاز مش نجاح عادي.
أختيارك أن أول رواية ليكي تكون ثنائية دا عشان التكلفة ولا كنتي محتاجة حد يجاذف معاكي؟
_لأن سلمى كاتبة موهبه فعلًا وكتابتها حلو جدًا و المجاذفة معاها مفيهاش خساره ابدًا، أنا وهى نستحق الفرصه ونزولنا سوا لتتشجيع المتبادل بينا.
لجأتي لأنهي طريق لتوصلي أنك تحسني مِن كتابتك؟
_عن طريق القراءة مِن الكتب والمقالات وتقبلي للفكر الغريبة.
الورقة والقلم لسه بيتكتب بيهم ولا بتختاري وسائل تانية؟
_الحقيقة كنت بكتب بقلم وورقة لفترة ولكن أكتشفت أني بغير كتير وقت كتابتهم على laptop، فقررت أكتب عليه.
الكاتب قارئ، وبالتأكيد أنك عندك كاتب مفضل مين هو؟
الكاتب عمرو عبد الحميد، والكاتب أحمد خالد توفيق، والدكتور إبراهيم الفقي.
ايه أكتر كتاب كان له أثر عليكي؟
آثر في شخصيتي ممكن استفدت من أرض زيكولا وأجزائها فى الكتابة والخيال وأسلوب سرد الكاتب.
ايه أكتر مكان نفسك تروحيه بره وجوه مصر؟
_جوه مصر أسوان بلد مُبهجة جدًا وناسها طيبين بتمنى أزورها، لكن بره مصر فنفسي أروح أماكن بتحتوي على ثقافات مختلفة.
في كلام بيعلق معانا مِن كثرة القراءة فأيه المقولة اللي بتفتكريا لو اتحطيتي في أي موقف؟
_هي مقولة للكابتن محمد عبد الوهاب خالي قال فيها "لا تبكي نفسي على شيئٍ قد ذهب، ونفسي التى تملك كل شئٍ ذهب".
حلمك ايه من الكتابة؟
_وصلي لكاتبة معروفة ومختلفة، وأني أضيف تأثير بالقراءة.
الصحفية: وعد البلتاجي
من جريدة لَحْنّ
وعد بتعمل عظظمةةة❤
ردحذفاما انت قمور ياخي 🥺♥️♥️♥️♥️♥️
ردحذفالكاتبة رحاب بتعمل عظيمة حقيقي موفقين ديما في تقدم
ردحذف