النجاح ليس له عمر بل له إرادة فقط، أردت أن أبتدي بتلك الجملة لكي تعرفوا أن هناك أشخاص ناجحة رغم صغر سنهم ولذلك لا تضع السن حجة لك .
وسنري ذلك من خلال حوار مع المبدعه آيه تامر .
- أولًا ممكن حضرتك تعرفيني بنفسك؟
= آيه تامر
عندي 19 سنه
من مُحافظة الغربية
حاليًا رايحه الفرقة التانيه جامعة بنها كُلية التربية قسم لُغة عربية ودراسات إسلامية
-إيه هي المواهب اللي عند حضرتك؟
= كتابة الشِعر والنثر
وإلقاء الشِعر
-ماذا تعني الكتابه لكِ؟
=هويتي، بل كل شيء
- أمتىٰ بدأتي تكتبي؟
= من خمس سنين
-مين كان الدعم ليكي ف حياتك و في مسيرتك؟
= والدتي وأصدقائي
-إيه هي إنجازاتك؟
= وعملت مؤسسة مَرساة لدعم المواهب
شاركت في أربعة كتب مُجمعة نزلوا معرض الكتاب السنادي
- إيه النجاح و الفشل بالنسبه ليكِ؟
= إحنا بنفشل علشان ننجح بعد ما نتعلم من أخطاءنا، أتمني الفشل مايكونش موجود في قاموسي لكن من غيره أعتقد إني مش هقدر أنجح
النجاح ناتج من الطموح والتعب وطموحي مالوش حدود
_ أمتىٰ تقولي أن أنتِ نجحتي؟
= لما أحقق اللي بحلم بيه في مُستقبلي الدراسي، وفي مجال الكتابة وفي مَرساة .
- مين هو الكاتب المفضل ليكِ؟
= من الكُتاب الكُبار: نجيب محفوظ وتوفيق الحكيم ويوسف إدريس والعقاد وأكتر من كاتب..
من كُتاب السوشيال: أحمد جمعة وعبدالرحمن حجاج" كيڤن" ومُسلم مِجيد، وإسراء الديب.
- من وجهه نظرك تشوفي أمتىٰ الشخص يستحق لقب كاتب؟
= لما يكون مؤهل ويقدر يطبق كل القواعد الأساسية في الكتابة ويكون مسؤول عن قلمه وعارف قيمته ويستخدمه صح .
-و إيه هي القواعد الأساسية للكتابة؟
= المعرفة بأساسيات اللُغة العربية مثل النحو والصرف والبلاغة والأدب
-تنصحي الكاتب بإيه؟
= إنه يطوَّر من نفسه دايمًا ومايقفش عند إحباط أو أي حد مُعين.
- واخر سؤال شايفه نفسك فين في المستقبل؟
= مُعيدة في الجامعة وكاتبة مُتمكنة ومشهورة بإذن الله.
وفي النهاية نشكرك جزيل الشكر علي هذا إلقاء و نتمني لكِ التوفيق .
وبهذا ينتهي الحوار مع المكافحة و المبدعة الصغيرة سننا و لكن كبيرة في نظرنا آيه تامر .
ل الصحفيه :مروة فؤاد "ديآمونتا" من جريدة لحن الأدبيه و الإخباريه 💚