تستطيع من خلال صدفة أن تصنع الكثير و الكثير و هذا ما سنره من خلال حوار مع الكاتب محمود البدري .
- أولًا ممكن حضرتك تعرفني بنفسك؟
= اسمي محمود البدري
عمري ٢٠ سنة
من الغربية
- أبتديت مشوارك إزاي؟
= البداية كانت عبارة عن صدفة، وهي إني أبدأ أقرأ لرواية ما، فحبيت اعبر عن إحساس جوايا فبدأت اكتب وأكتب ومن وقتها وأنا بحاول اطور من نفسي في الكتابة
-إيه هي إنجازاتك؟
= بعتبر انجازي الوحيد لغاية دلوقتي هو روايتي الأولىٰ مأساة الغروب
- و بتدور الرواية عن إيه؟
= بتدور عن تاريخ للعنة ما
- مين الكاتب المفضل عند حضرتك؟
= دكتور أحمد خالد توفيق
- إيه الكتاب اللي أثر فيك و تنصح الجميع بقرأته؟
= كتاب هذا سبيلي لأيمن العتوم، عشان هو ملخص فيه مشواره كامل، وهو مفيد جدًا للقراء أو الكتاب ففيه رحلة كاملة بين الكتب.
- حضرتك شايف أن الكتابة موهبه فطرية ام مكتسبة؟
=هي الاتنين، لأني ممكن اتعلم إزاي أكتب، وهي في الأصل موهبة
- هل حضرتك بتقبل النقد وبتتاثر بيه؟
=أكيد بتقبله؛ لأنه بيفرق أكتر من التشجيع، وطبيعي أتأثر بيه، بس الفرق إني بقدر أخد النقد السلبي في صالحي.
- إزاي حضرتك نميت موهبتك؟
=بالقراءة الكتير وكنت باخد آراء أشخاص أنا عارف إنهم هيفيدوني
- حضرتك شايف نفسك فين في المستقبل؟
=أنا حاطط قدامي هدف إني أوصل لأعلى مركز ممكن ولكن مش بحدد، أنا بسعى بسبب عواقب السعي على ربنا
هل دراستك ساعدتك في مشوارك؟
= للأسف لا، بس كان عندي حافز إني أعافر في تنمية موهبتي وهو إني حابب إني أكتب
- وأخيرًا حضرتك تنصح الشباب ب إيه؟
= بالصبر، بالسعي بجد، والرضا بالعواقب
وفي النهايه نشكرك كثيرًا ونتمني لك التوفيق
وهكذا ينتهي حوارنا مع الكاتب الرائع محمود البدري.
ل الصحفيه مروة فؤاد"ديآمونتا "
من جريدة لحن