_اسمك أي
=إسراء السيد لكن مشهور بـ إســــراء بدوي"وَرد"
_عندك كام سنة
= 15.5
_منين
= من الجيزة
_اي هي موهبتك
= كتابة، ديزاين، غناء، شعر، إلقاء، تدقيق لغوي، تصوير.
_أكتشفتِ موهبتك ازاي
= الكتابة بكتب من أولى اعدادي، الديزاين والغناء والشعر والتصوير اكتشفتهم صدفة، أما التدقيق اللغوي فمن وأنا صغيرة بحب اللغة العربية وبحاول بقدر الإمكان أركز على كل حرف بيتكتب ازاي وايه اللي ممكن يخلي الناس تغلط فيه.
_مين دعمك
= أنا...دعمت نفسي بنفسي، وأسرتي دعمتني بجانب صديقة عمري اللي دايمًا تدعمني في كل شيء بعمله.
_بتواجهي الانتقادات ازاي
= بواجهه انتقادات كتير زي مثلا يقولوا: استحالة توصلي، إنتِ لسة صغيرة، إنتِ فاشلة وانتقادات ملهاش نهاية لكن بصدها وأقول: أنا هوصل وهبقى حاجة والكل هيفتخر بيا واللي قال مش هوصل هيخجل من نفسه إنه قال كدا.
_اي هي الصعوبات اللي واجهتك
= انعدام شغفي، ضغوطات حياتي كانت مشكلة كبيرة لكن كنت باخد منها حافز وأكتب عنها، صغر سني كان صعوبة بردو لكن أنا أقدر أثبت نفسي كويس جدًا والحمدلله ثبتت.
_شاركتِ في معرض الكتاب بعمل خاص او مجمع ؟
= شاركت في خمس كتب مجمعة وإن شاء الله قريب هنزل بواحد خاص ليا.
_مين قدوتك في الكتابة
= صراحة مليش قدوة؛ أنا قدوة نفسي ولنفترض كان عندي قدوة والقدوة دا أكيد هيغلط فساعتها مش هيكون قدوة بالنسبالي وهيكون شخص عادي، أنا قدوة نفسي وأنا بشتغل على نفسي كويس عشان أثبت كدا.
_كتاب قرأتيه وترك أثر طيبًا، تنصحي بيه الكثير
= استراحة نفسية، كتاب ترك أثر جميل جدًا وأنصح بالكل يقرأه.
_رسالة منك للكُتاب المبتدئين
= متيأسش وحاول مرة واتنين وتلاتة ومائة لحد ماتوصل وتثبت نفسك بجدارة وتبقى حاجة في المستقبل، سيبك من كل اللي بيقفوا في طريقك وكمل وحارب عشان اللي إنت عايزه.
أجرى الحوار، الصحفية: رضوى فوزي"لاڤندر"
✨♥♥
ردحذفعظيييم🥺💘
ردحذف