اجرى الحوار الصحفية: أسماء أحمد.
سنتحدث اليوم عن ابن محافظة الجيزة جاهد لتعدى الصعاب واجه الكثير لكن لم ييأس وحارب الكثير ليصل إلى النجاح ونبدأ سأله عن:
_عرفنا بنفسك:
=أحمد محمد نادر محمود، 20 سنة، المحافظة الجيزة
_الموهبة:
=شاعر وكاتب.
_كلمنا عن أستاذ أحمد نادر ككاتب وكحياة عامة؟
=ككاتب : بيحاول يسعى ويوصل لحلمه ، بيطور من نفسه طول الوقت وأنا فخور باللي وصلتله وده يعتبر مجرد بداية فقط
كحياة عامة : فالحمد لله على كل شيء ، ربنا كرمه كبير وكل يوم بيكرمني بأكتر مما أتمنى
_بدأت امتى؟
=من حوالي سنة.
_اكتشفتها ازاي؟
=من خلال دخولي لقسم اللغة العربية ومحاولتي لكتابة بعض أبيات الشعر
_نوع الكتابة:
=بكتب شعر وخواطر وروايات وإسكريبتات وقصص قصيرة ، بميل دائما للجانب الحزين
_مين دعمك؟
=والدي
_إنجازاتك و الكتب اللي اشتركت فيها :
١ - ألقيت شعر في ١٥ حفلة
٢ - اشتركت في ١٥ كتاب مجمع ونزلوا المعرض السنادي
٣ - اتعمل معايا ٩ حوارات صحفية ونزلوا على جوجل
٤ - اتكتب عني ٣ مقالات ونزلوا على كذا بيدج على الفيس بوك
٥ - كنت ضيف في حلقة على راديو اليوم التاسع
٦ - فيه طالب اختارني كنموذج لأفضل شاب ناجح عشان يعمل عني بحث في جامعة الزقازيق
٧ - عملت صفحة على الفيس بوك اسمها مواهب مدفونة
" كنت شايف أن فيه كذا موهبة مش واخدين حقهم ولا ليهم ظهور في الوسط على الاطلاق
فبدأت في عمل صحفة تسمى مواهب مدفونة لدعم وتشجيع كل من لديه موهبة مدفونة بداخله سواء الكتابة أو الشعر او لعب كرة القدم أو الرسم أو التصوير أو التمثيل "
_مين كاتبك المفضل؟
=في الشعر ( عمرو حسن )
في الروايات ( أحمد خالد توفيق )
_نص مميز عندك؟
=عاوزة أيه من شخص
ساب الحزن جوا عينين صبايا ؟!
شايفة كل دموع عينيكي
وهي بتتلف في هدايا !؟
رافضة ليه فكرة وجود الكره ليه ؟
راضيه بيه مع أنه سابك وقت حزنك
ماسكه فيه مع أنه طول الوقت ظالمك !
عاجبك أنه حب غيرك ؟
قابله أنه يكون لغيرك !؟
طب هو قدر أنك أنتي حبتيه ؟!
ارجعي لعقلك يا بنتي
واحكميه
- أحمد نادر
_نفسك توصل لأي في مجالك:
=أطلع القي شعر على مسرح ساقية الصاوي ومسرح الأوبرا
وأني أكون ضيف شرف والقي شعر في حفلة تخرج لأي كلية
_تعرضت لحاجة احبطتك قبل كدَه في مجالك:
=واجهت العديد من الأزمات التي تعتبر كفيلة لوقوعي ، ولكن لم ألتفت لها على الإطلاق ، وأصريت على مواصلة السير في طريقي للوصول إلى حلمي الذي سأتمسك به للأبد
_شايف أستاذ أحمد نادر فين بعد سنة؟
=هكون وصلت لحلم من أحلامي بإذن الله
_رسالة تحب تقولها لغيرك:
=إياك تيأس ، كمل في طريقك ، أنت أقوى من كل شيء هيواجهك ، أنت تقدر
( مفيش مستحيل - عافر هتوصل )
_في نهاية هذا القاء أتشرفت بإلقاء مع حضرتك.
=الله يعزك.
"في نهاية هذا المقال أود شكر الكاتب والشاعر المتميز والمتألق متمنين له مزيد من التقدم والازدهار".