معانا انهارده ابنة السادس عشر من عمرها بنت القاهره رهام الباز هيا بنا اعزائي لنتعرف عليها وعلي إنجازاتها.
أسمك؟
رهام الباز
سنك؟
١٦ سنة
محافظتك؟
القاهرة
موهبتك إيه؟
رسم وكتابة
بدأت موهبتكِ امتي؟
الرسم: وأنا عندي ٥ سنين.
الكتابة: وأنا عندي ١٠ سنين.
مين اللي دعمك؟ صحابي وأمي.
إيه المشاكل اللي واجهتك في نجاحك؟
أن مالقيتش دعم لي، واستهزاء بمواهبي من أقرب ناس لي.
وأزاي تحديتي الكل عشان تنجحي؟
مهتمش للكلام السلبي وانشغلت أني أحقق نفسي وبس.
إنجازاتك إيه؟
١- كتاب لخواطري أسمه "لحظة"
٢- أسست مبادرة "ليلاس" لدعم الكُتاب ونشر كتاباتهم كتب، وهينزل كتاب لمبادرة أسمه "افتكرني" قريب.
٣- بنشر كتاباتي في جريدة الفكر العربي.
٤- تطورت في الرسم جدًا وعملت بيدچ لرسم في انستجرام.
٥- بقيت صحفية في جريدة "لحن"
٦- أخدت مركز أول كذا مرة في مسابقات الإرتجال، وكنت من الكُتاب المثاليين لـكيان أفلاطوني في الأسبوع اللي فات.
مين قدوتك في الكتابة؟
ساندرا سراج ومحمد إبراهيم وعمرو حسن.
نفسك توصلي لإيه في مجالك؟
أبقي قدوة لغيري في مجال الكتابة أو مجال الرسم.
شايفة أنك قربتي تحققي أحلامك ولا لسة؟
يعتبر حققت شوية من أحلامي ولسة هكمل في تحقيق أحلامي.
مين مصدر الهامك؟
نفسي.
شايفه مجال الكتابة والناس بتوع الوسط ازاي؟
بشوف كُتاب بتتعب عشان تحقق أحلامها.
وبشوف ناس بتستغل الكُتاب لمصلحتهم الخاصة.
هل في كاتب معين يستحق الدعم؟
كُتاب كتير تستحق الدعم جدًا، وهيبقا ظلم لو أخترت واحد
عايزة تنصحي غيرك بإيه؟
يبقا نفسه وميقلدش غيره، لازم تحقق أحلامك ومتوقفش أبدًا.
الصحفية: ثريا محمد
من جريده لحن الادبيه.
جميله كعادتك ❤️
ردحذف