حوار صحفي مع الكاتبة المبدعة آلاء البدري ونتمنى لها التوفيق
_أسمك؟
= آلاء البدري •|شَفَق|•
_عندك كام سنة؟
= 18
_منين؟
= محافظة الغربية
_اي هي موهبتك؟
= الكتابة، القاء الشعر، الدوبلاچ
_أكتشفتِ موهبتك ازاي؟
= حبيت أجرب أكتب زي الروائيين اللي بقرأ لهم، بدأت في كتابة الخواطر القصيرة، وبعدين نصوص، ومقالات.
_مين دعمك؟
= كان أكبر داعم ليا أهلي، وصحاب السوشيال
_بتواجهي الانتقادات ازاي؟
= انا مش بحط كلام الناس في دماغي، اللي بيوجه لي انتقاد باخده كتحدي وبمشي بيه خطوة لقدام، لأني لو خدت برأيهم مش هوصل.
_اي هي الصعوبات اللي واجهتك؟
= مفيش صعوبات واجهتني لحد دلوقت، لأني مش واخداها كصعوبات، أنا بعتبرها حاجات عابرة لو واجهتها هتوصلني لهدفي، ولو انا وقعت ف يوم، هقوم تاني، ولو فشلت، فدا معناه بداية النجاح.
_إنجازاتك؟
= نائب مؤسس كيان زادك سابقًا
أسست ورشة لتعليم أساسيات الكتابة، وجريدة إستِريا ومبادرة إستِريا لدعم المواهب، قدرت أعمل لي أسم في الوسط في وقت قصير، أنا محررة صحفية، ومدققة لغوية، ونزل لي كتاب مجمع في معرض القاهرة الدولي للكتاب ( 2021 )، بدي كورسات اونلاين لتأسيس أي كاتب وأنه يكون جاهز فعليًا لعمل كتاب منفرد، أنا محررة صحفية في اكتر من جريدة معروفه منها جريدة اليوم التاسع، وانا شايفه ان دا مش انجاز لسا، أنا لسا قدامي طريق وهدف إني أحققه، وهينزل لي أعمال منفردة في معرض السنه الجاية (2022).
_قدوتك في الكتابة؟
= دكتور احمد خالد توفيق، دينا عماد، دكتور عمرو عبد الحميد، نجيب محفوظ.
_كتاب قرأتيه وترك أثر طيبًا، تنصحي بيه الكثير.
= كتاب العادات السبع الأكثر فعالية للمراهقين .
_رسالة منك للكُتاب المبتدئين.
= بلاش توقف حلمك عشان شوية انتقادات، متعتمدش على حد، طور نفسك بنفسك، أشتغل في أي حاجه تفيدك حتى لو صغيرة، وأخيرًا خلي ليك هدف تحققه ومحدش يعرف يقف ضدك، لأنك أنت اللي هتوصل مش الناس، ولو وصلت مش هتوصل بسبب كلام الناس، دا عشان مجهودك.
كانت معكم الصحفية: شهد يحيى *روبين سبتمبر*