سنتحدث اليوم عن أبنة محافظة كفر الشيخ الكاتبة المبدعة والمتألقة ونبدأ بسؤالها عن:
_عرفينا بنفسك:
=رنا وائل، 17 سنة
من محافظة كفرالشيخ.
_الموهبة:
=كتابة نصوص ومقالات
_كلمينى عن رنا ككاتبة وكحياة عامة؟
=يعني من ناحية الكتابة فأنا بحب أوي أخد معايا مُذكرة وقلم في أي مكان بروحه يمكن أشوف حاجة أحب أعبر عنها في الوقت دا بالذات، وبالنسبة لأوقات الأجازة فبقضيها كُتب لأن زي ما عارفين"ما الكاتب إلا قارئ جيد".
_بدأتِ امتى؟
=بالنسبة للوسط من سنتين، بالنسبة للواقع فمن إبتدائي.
_اكتشفتِها ازي؟
=لما كنت في إبتدائي كنت بحب أوي أكتب جُمل في ورق، وأروح أوريه لأستاذي، ومش بيبقى مصدق إني اللِ كتباها، وبالتالي اكتشفت إني موهوبة في التعبير عن كل اللِ جوايا على صورة كتابة بل والتعبير عن شعور ناس تانية.
_نوع الكتابة:
=مقالات/نصوص/روايات
_مين دعمكِ؟
=أقرب شخص ليا وبعده أمي وجدتي.
_إنجازاتك و الكتب الي اشتركتي فيها:
=الحقيقة أنا لسه هشارك في معرض الكتاب بعمل فردي، وهتكون رواية بإذن الله تعجب الكل.
_اشتغلتي ليدر او مؤسسة قبل كده و في كيان ايه؟
=اشتغلت ليدر في كيان شَغَف، وحاليًا في كيان لِمَن هُجر، وإكليل روح.
_الكيانات الي كنتي فيها:
=مَطر، كويكب إبداعتنا، بالإضافة للكيانات اللِ ذكرتها فوق.
_نفسك توصلي لأي في مجالك:
=أنا أكتر حاجة نفسي فيها إن كتاباتي كلها تكون مفيدة للأشخاص، لما يقرأوها، ويستفادوا. وأيوا أنا بحب الفانتزيا لكن دا ميمنعش إن أعيّش القارئ في عالم ممزوج بمشاكل الواقع في عالم خيالي.
_تعرضتِ لحاجة احبطتك قبل كدَ في مجالك:
=أيوا بس دا في الأول واجهت انتقادات من نوع دي مش كتباتك، نصوصك مش قوية في المعنى، حاجات من النوع دا بس دا كان بيديني طاقة أكمل أكتر خصوصًا إن النقد بيجي من ناس مش قريبة مني، لكن القريبين كانوا داعم أول ليا.
_شايفة رنا فين بعد سنة؟
=هو أه في خلال سنة أتمنى إني أكون حققت إنجازات كتير، بس الواقعي إن ممكن أتشهر شوية لكن مفيش تغير هيحصل بسبب إني هبقى في الثانوية وهتضطر أتجه للمذاكرة اكتر.
_رسالة تحبي تقوليها لغيرك:"مَن =حاول نَجح، فهل تحاول أنتَ؟".
_في نهاية هذا القاء أحب أقول اتشرفت بالحوار معاكِ.
=أنا ليا الشرف.
في نهاية هذا المقال أود شكر الكاتبة المتألقة رنا متمنين لها مزيد من التقدم والازدهار، وأتمنى أن ينل إعجابكم هذا القاء اللطيف مع الكاتبة المتميزة رنا وائل.
انا كاتبه حابة اعمل حوار لو ممكن
ردحذف