_اسمك أي
= أميرة أسعد
_عندك كام سنة
= 19.
_منين
= كفر الشيخ مدينة الحامول.
_اي هي موهبتك
= بكتب قصايد شِعر عامي وخواطر فصيحة.
_أكتشفتِ موهبتك ازاي
= بحب الكتابة من صغري وشوية بشوية بدأت أنميها لغاية موصلت للمستوى اللي أنا فيه حاليا.
_مين دعمك
= أمي، حنين بنت خالي، بعض من صحابي وعلى رأسهم هدى محمود، مُعلمي الفاضل مستر هاني ذكي، يارا زغلول ودي اللي شجعتني أدخل المجال دا علنًا
_بتواجهي الانتقادات ازاي
= الأول كنت بكتإب وببعد وبعتزل لكن شوية واتأقلمت فعادي مبقاش يأثر عليا انتقادات حتى مبقتش منتظرة دعم من حد
_اي هي الصعوبات اللي واجهتك
= العقبة المحورية هي إني ممنوعة من النشر والكتابة بشكل عام ومنتظرة فرصة أرجع تاني واشتغل على نفسي أكتر
_شاركتِ في معرض الكتاب بعمل خاص او مجمع ؟
= شاركت بعملين مجمعين لمعرض 2021
_مين قدوتك في الكتابة
= دكتور أحمد خالد توفيق، الأبنودي
_كتاب قرأتيه وترك أثر طيبًا، تنصحي بيه الكثير
= آخرهم رواية رجل تحت الصفر ل دكتور مصطفى محمود.
_رسالة منك للكُتاب المبتدئين
= اشتغلوا على نفسكم وحبوا المجال دا لأنو من أرقى أنواع الفنون ووقتها هتبدعوا فيه ومتسمعوش لحد بيحاول يقلل من قدراتكم واسعوا وربنا بيكرم فالآخر.
أجرى الحوار، الصحفية: رضوى فوزي"لاڤندر"