_عرفينا بنفسك:
=رحمه حمدي، واحد وعشرين سنة
من محافظة القاهرة.
_الموهبة:
=شاعرة، كاتبة، مدرسة كورسات كتابية، مصممة أغلفة.
_كلمينى عن رحمة ككاتبة وكحياة عامة؟
=أنا بحب الكتابة ولكني بميل أكتر للشعر لأنه الموهبة الأساسية لكن حياتي العامة غير دراستي بكون شغوفة جدًا بحلمي هي حياتي تقتصر على الدراسة والحلم.
_بدأتِ امتى؟
=من وأنا عندي 13 سنة في أعدادي كنت بقول شعر ويسمعوا مني أشعاري في مكتبة المدرسة والميس كانت أكبر داعم ليا بعد بابا وماما لحد الوقت دا بفضل الله وأنا مكملة.
_اكتشفتِها ازي؟
=كنت صغيرة جدًا ساعة أكتشفت اني شاطرة في كتابة الشعر كنت بتنافس ديمًا مع صحبتي في المدرسة مين تكتب شعر أفضل يعجب الميس بتاعتنا وساعتها عرفت إني شاعرة بفضل الله أقدر أكتب شعر.
_نوع الكتابة:
=شعر في المقام الأول، مقالات في مجال علم النفس " صانعي الأهداف"، مقالات كتابية في مجالات مختلفة، نصوص نثرية، بعض الخواطر بعنوان "خواطري الليلية"، نصوص شعرية، اسكربتات.
_مين دعمكِ؟
=ولدي وولدتي أولًا ثم المدرسة بتاعتي ثانيًا ثم أصدقائي بفضل الله.
_إنجازاتك و الكتب الي اشتركتي فيها:
=بفضل الله قدرت أعمل وأشارك في كُتب الكترونية عندنا في المؤسسة الكتابية " أشكال، سرابيل البقاء" وكتاب قصصي" ألحان الموت " وشاركت في كُتب وراقية" تانغو، آفاق" معرض القاهرة الدولي 2021 /
مؤسسة كورس فن الكتابة
خرجت أكتر من ست دورات كتابية بفضل الله بقالي ما يقارب السنة ونص بدرس لطلابة كتابة بفضل الله
شرحته في أكتر من كيان زي انفصام كياني الشخصي
ومبادرة دعم الكاتب الصاعد والكيان المستقل / مؤسسة مدونة وموقع نشر إلكتروني على جوجل / صممت أكتر من عشرين غلاف لروايات وكتب مجمعة.
_اشتغلتي ليدر او مؤسسة قبل كده و في كيان ايه؟
=أنا مؤسسة كيان "اِنْفِصَاَمْ" ودا بفضل الله أكبر إنجاز في حياتي ومؤسسة كورس "فَنُ الكِتَابة" ودا ثاني أكبر إنجاز في حياتي.
_الكيانات الي كنتي فيها:
=آفاق، إيقاع غجري، قلمي يتحدث، شجن، الكيان المستقل، وأسست كيان لفترة بسيطة كان إسمه رحيق كتاباتي بنات فقط، نزيف كلمات.
_نفسك توصلي لأي في مجالك:
=حابة أتقدم أكتر بإذن الله مفيش نقطة توقف معينة حابة أقف عندها بحيث نكون أفضل مؤسسة أدبية وكتابية بإذن الله وأقدر أحقق أكبر عدد من الكورسات أو الدعم لكل المواهب ونختص الكتابة بأكبر دعم نفسي أقدر أكون شاعرة تستحق القول بأنها شاعرة وأقدر أكون مُحاضرة لأنواع الكتابة المختلفة وأقدر أقدم الشرح الصحيح لكل موهبة كتابية لمعظم أنواع الكتابة المختلفة حابة أصنع من شخصي كيان إنساني متقدم بإذن الله.
_تعرضتِ لحاجة احبطتك قبل كدَ في مجالك:
=أكيد كلنا بنتعرض لحاجات ممكن توقفنا كتير وأنا أتعرضت لكره من بعض الأشخاص ولكني بفضل الله قدرت اجتازه وأكمل في هدفي لأن في أشخاص فيهم خير معايا أكتر من اللي فيهم شر ودا اللي بيقويني أكمل الدعم النفسي والفعلي منهم وبحب مقولة للشيخ الشعراوي رحمه الله بتقول : ( إذا لم تجد لك حاقدًا فاعلم إنك إنسان فاشل) فالحمد لله على فضله.
_شايفة رحمة فين بعد سنة؟
=مقدرش أحدد مكان معين من هدفي أقدر أكون متوقفة عنده لعل هناك بعض العوائق ولعل السير يكون أصرع اللي حابة أقوله إني شايفة هدفي قدامي وطول ما ربنا كرمني هكمل وأحققه بإذن الله بدون تقييد زمني.
_رسالة تحبي تقوليها لغيرك:
=النجاح والهدف والأحلام ملهاش سقف معين نقف عنده، القدرات اللي عندنا أكبر من توقعتنا ونقدر نستغلها عشان نوصل بنفسنا لأماكن تُرضينا وتخلينا راضيين عن نفسنا ولكن في بداية كل شيء لازم نكون معتمدين على الله رب العالمين ومتوكلين عليه ثم محسنين النية بالخير للجميع ولا نحمل كرهًا أو حقدًا لأحد ثم لا ننظر للغير واي مدى نجاح وصلوا ليه ومنقارنش نفسنا بأي شخص لأننا نستحق أفضل شيء بس يكون فيه خير لينا وربنا هيقدم لينا كل خير مع كل اجتهاد.
_في نهاية هذا القاء أحب أقول اتشرفت بالحوار معاكِ.
=تسلميلي.
في نهاية هذا المقال أود شكر الكاتبة المتألقة رحمة حمدى متمنين لها المزيد من التقدم والازدهار، وأتمنى أن ينل إعجابكم هذا القاء اللطيف مع الكاتبة المتميزة رحمة حمدى.