سنتحدث اليوم عن فتاة شابة تعدت الإحباط وأكملت في طريقها إلى النجاح أرادت تحقيق النجاح والسعى إليه، ونبدأ بسؤال هذه الكاتبة المتألقة عن:
_عرفينا بنفسك:
=هاجر اسماعيل، 16سنة.
من محافظة المنوفية.
_الموهبة:
=كاتبة.
_كلمينى عن هاجر ككاتبة وكحياة عامة؟
=بنت عادية جدا كانت متوحدة ومش حابة كونها كدة فجاة قررت تتغير وتقوي علاقتها مع الناس وفعلا نجحت وبدل مكانت متعرفش حد كونت صداقات كتير وبقا ليها شخصية وبعد كدة بقت كاتبة بعد معانااة واشتهرت بعد اول كتاب ليها وحمدت ربنا كتير لان حصلها حاجات كتير اوي وزعلت وعرفت في الاخر انها كان لازم تصبر بس وربنا هيكرمها باحسن من اللي كانت عايزاه وفعلا اتحقق وفرحت جداااا واخدت الموضوع دة درس كبير اوي في حياتي ومبقتش ازعل على اي حاجة تحصلي ودايما بضحك في كل وقت احم ودي مش حاجة حلوة اوي يعني ،، المهم بعد كدة في ناس بقت تخدني قدوة وحبتني وكنت بطير من الفرحة والله وناس كتير احترمتني وحبت تتعرف عليا وبيتكلمو برسمية وانا مستنياهم يخلصو عشان اقولهم ميغركوش الحاجات الجامدة اللي بعملها ،، بس يعني مش حابة اطول بس الكتابة ليها فضل كبير اوي عليا.
_بدأتِ امتى؟
=من سنة وشوية.
_اكتشفتِها ازي؟
=والله يعني كان في قصة في خيالي يعني كنت بتخيل نفسي فيها وفجاة لقيت ان ابقصة جميلة فعلا وملقتش حد عمل شبهها قبل كدة مش بشكر عشان بتاعتي والله بس فعلا كدة اسمها "نور" موجودة في كتاب حواديت مارس في معرض القاهرة،، كتبتها وبعد كدة بدات اعمل قصص تانية واخدت كورس واتطورت وعدلت في قصة نور وبقا خيالي واسع جدا وبعرف اكتب بدون اخطاء وكدة وبعد كدة قولت انا هشارك في كتاب مجمع اتفقت مع مبادرة ومحصلش نصيب وبعد كدة مع مبادرة تانية وبردو محصلش وكنت زعلانة اوي وعيطت ،، بعد كدة اتفقت مع اخر مبادرة وقولت لو محصلش يبقا ربنا بيقولي انك مش موهوبة فهبّطل بس عملت الكتاب ونجح وليه فضل كبير طبعا عليا وبعد كدة روحت المؤتمر اللي فيه التكريم واتكرمت وفرحت وبقا في ناس تدخل تتعلم الكتابة معايا ،، بدربهم دلوقتي وبقيت اديهم فكَر قصص عايزة اعملها والله ومكسلة للاسف واخليهم يعملوها واقيس مستواهم احم مجاني والله ،، بس جت من الساعة 12 بالليل كدة هي الساعة دي بتطلب حاجات غريبة اوي.
_نوع الكتابة:
=قصص قصيرة وقصص طويلة مش بدؤجة كبيرة وبشتغل على اني اعمل روايات.
_مين دعمكِ؟
=( انا ) وتحتها مليون خط وطبعا بابا وماما في اول المشوار وبعدين غادة صحبتي بتشجعني اوي وبتهون عليا لو زعلت في حاجة او كدة والشات بتاعنا عبارة فكر قصص وبتساعدني فيها وطبعا والدي ووالدتي مستمرين في تشجيعي.
_إنجازاتك و الكتب الي اشتركتي فيها:
="كتاب حواديت مارس" وبعمل حاليا كتابين كمان وعندي قصتين على جريدة الفكر العربي ، قصة "هزة أرضية" اتشهرت شوية لدرجة اني كتبت اسمي على جوجل لقيتها ظهرت فرحت اوي يااه على الشهرة ولسة ان شاء الله ربنا يكرمني ويبقا ليا كتب كتير.
_اشتغلتي ليدر او مؤسسة قبل كده و في كيان ايه؟
=جالي فرص كتير بس للاسف انا برفض عشان في ثانوية وهتعطل اوي يعني ولازم اركز عشان لما اطلع تالتة ان شاء الله ،، حابة جدا بس وقتي مش سامح .
_الكيانات الي كنتي فيها:
=مبادرة غلمان الادب ،،وبشتغل معاها كتير عشان حباها جدا خصوصا "رنا" _ جريدة الفكر العربي.
_جزء من كتاباتك:
=هو للاسف كلهم قصص فمش عارفة اكتب ايه بس يعني ممكن اقول جزء فيه اثارة من قصة كدة بكتب فيها حاليا..
*ثم تسمع صوت في الطابق وخرجت حاملةً قطعة حديدية من المعمل ثم انتظرت وضربت الرجل وفقد الوعي ثم أخذته للداخل وبدلت ملابسها بملابسه وتنكرت كأنها شخص من العصابة لكن للأسف...*
_نفسك توصلي لأي في مجالك:
=اني ابقا اشهر كاتبة في الوطن العربي باذن الله وان اول مانزل كتاب بس ليا ينجح والكل يحب كتاباتي.
_تعرضتِ لحاجة احبطتك قبل كدَ في مجالك:
= ه كتير ،، يعني مكنتش بلاقي دعم وتشجيع من ناس كدة بس مش مشكلة كنت ببص على اللي بيدعموني اهلي طبعا وصحابي بالتحديد روان وغادة كنت بلاقي منهم اهتمام فعلا كنت بحتاجه وبشكرهم على وجودهم معايا.
_شايفة هاجر فين بعد سنة؟
=في برنامج منى الشاذلي والله عشان بحلم بيه او استضيف على التليفزيون عموما عشان هتبقا فرحة كبيرة اوي ليا.
_رسالة تحبي تقوليها لغيرك:
=متقفش على كلمة حد بجد وخليك واثق من نفسك ولو ملقتش دعم ادعم نفسك مش حوار ، ومتزعلش من حاجة تحصلك عشان الاحسن منها جاي بس الصبر بس.
_في نهاية هذا القاء أحب أقول اتشرفت بالحوار معاكى.
=تسلميلي.
_في نهاية هذا المقال أود شكر الكاتبة المتألقة هاجر إسماعيل متمنين لها المزيد من التقدم والازدهار، وأتمنى أن ينل إعجابكم هذا القاء اللطيف مع الكاتبة المتميزة هاجر إسماعيل.