من جريدة لَحْنّ الأدبية والأخبارية، ممكن الموافقة أني أعمل حوار صحفي معاك؟
شرف ليا يجميل.
1-ممكن تعرف نفسك في بضعة سطور؟
أنا الكاتبه والصحفيه دعاء فراج.
مؤسسة مبادرة ألماس بالتعاون مع محمد چيمي.
عندي 17 سنه، تانيه ثانوي.
2-ممكن تقولنا بدأت كتابة أمتى؟
من سنه
3-مين أكتر الشخصيات اللي قابلتك ف مجال الكتابة وأثرت فيك ككاتب؟
الكاتبه نور قطب
4-هل واجتهك صعوبات ف المجال؟ وازاي تخطيتها واتعاملت معاها؟
اتعضرت لإنتقادات كتير بس مكنتش بهتم وعارفه ان قدامي هدف ولازم اوصله.
5-بالنسبالك الكتابة هواية او موهبةولا ممكن اي شخص يكتب عادي؟
اي حد ممكن يكتب عادي بس م اي حد يقدر يوصّل المعلومه للقارئ.
6-من رايك الكاتب المثالي او الناجح بيتصف ب اي؟
الكاتب المثالي هو اللي ينمي موهبته وميستكفاش بالنجاح اللي وصله لأنه أكيد هينجح اكتر
7-مين مثلك الأعلي؟
مش حد معين بس ناس كتير من صحابي باخدهم قدوة
8-مين وقف جمبك وشجعك ف اول خطوة ليك ف المجال؟
ماما، واخويا وبنت خالي
9-كلمنا عن انجازاتك؟
اشتركت فـِ كتب مجمعه كتيرر منهم كتاب "لحن اوتار، العزف ع زكريات الماضي، ثنايا احرف..... ألخ.
و4 كتب تحت إشرافي" نيلام، ارسيليا، ڤيوليت، نورسين"
صحفيه ف 6 جرايد.
مؤسسة مبادرة ألماس،
مؤسسة جريدة ألماس.
تم استضافتي على قناة الصحه والجمال، تم استضافتي فـِ الكثير من الحفلات گ ضيفة شرف، اتعمل معايا العديد من الحوارات الصحفيه.
10-كلمنا عن خططك المستقبلية ف مجال الكتابة؟
قريب بأذن الله أول كتاب فردي ليا ف معرض القاهره.
ورواية بأسمي
11-هل عندك مواهب تانية؟
الإلقاء، خدت مراكز اولىٰ على الواتس والفيس فـِ الإلقاء
12 -سمعت عن جريدة لَحْنّ؟
لا أول مره
13-تتمنى اي من الجريدة الفترة الجاية؟
تطور اكترر وتتجه لجميع المواهب وتعمل معاهم حوارات صحفيه لأن في ناس كتيرر تستحق ده.
14-وجه كلمه للكُتاب والجريدة؟
كمل واتعب وهتوصل، النجاح مش اخر الطريق بل كل نجاح ف هو بداية طريق جديد مش كل النااس هتدعمك بس دعمك لنفسك هو اللي هيفرق جداً.
15-كلمة أخيرة نختم بيها الحوار الصحفي؟
اشكر الصحفيه فرح العيسوي جدًا ع الحوار الجميل ده
سعدت جدًا بالحوار مع حضرتك شكرًا جزيلًا