السلام عليكم أنا الصفحية/الاء عرفه من جريدة لحن الأدبية والاخبارية،
ممكن الموافقة من حضرتك إني أعمل حوار صحفي معاكي؟ _ أكيد موافقة اتفضلي.
1-أول حاجه ممكن حضرتك تعرّفِي عن نفسك في بضعة سطور؟
-أنا نورا محمود البنا، عندي 16سنة إلا شهرين، دراستي أولى ثانوي، من محافظة البحيرة.
2-ممكن تقوليلنا بدأتي كتابه امتي.؟
_ تقريبا من 10 شهور بالظبط
3-مين أكتر الشخصيات اللي قابلتك في مجال الكتابة وأثرت فيكي ككاتبه..؟
-مفيش حاجة بتأثر فيا ككاتبة غير الحياة ومواقفها بس.
4-هل واجهتك صعوبات في المجال..؟ وازاي تخطيتيها واتعاملتي معاها..؟
-بعض المواقف فقط، ولكنها لم تؤثر بي.
5- بالنسبالك الكتابة هواية أو موهبة ولا ممكن أي شخص يكتب عادي..؟
-موهبة طبعًا، مش أي حد يكتب كلمتين يبقا بيعرف يكتب، ونقولوا كاتب.
6-من رأيك الكاتب المثالي أو الناجح بيتصف بإي..؟
-رقي قلمه، لبق في الكلام.
7-مين مثلك الاعلي..؟
-نجيب محفوظ.
8-مين وقف جمبك وشجعك في أول خطوة ليكي في المجال دا..؟
-محدش.
9-كلمينا عن انجازاتك..؟
-أول انجاز بالنسبالي أنا عملته هو إني عملت كيان في كُتاب كتييييير ونظامه مختلف شوية عن باقي الكيانات التانية وعملت جريدة للكيان وعملت كتب الكترونية لمجموعة مؤلفين وكتابين ورقي لمجموعة مؤلفين كانوا معرض الكتاب 2022 اللي فات ولسه في حاجات كتير ناوية اعملها إن شاء الله، وأولهم إني هعمل كتاب فردي ليا ممكن رواية أو مجموعة قصصية بس هتكون حاجه عظيمة بإذن الله.
10-كلمينا عن خططك المستقبلية في مجال الكتابة..!
_إن شاء الله دار نشر ورقي هعملها وهتكون خاصة بيا لوحدي وبنظام مختلف، وداعمة للكُتاب بجد ومش هتكون تابعة لمؤسسة أو غيروا لا هتبقى حاجة أنا اللي أسستها حاجة، متعملتش قبل كده أنا واثقة هتبقا أحسن وأفضل دار نشر ورقي موجودة.
11-هل عندك موهبه تانية..؟ -الديزاين والتصميم شوية، يعني بعرف أرسم بس مش متقنة كويس بالنسبالي الكتابة أفضل حاجة.
12- سمعتي عن جريدة لحن قبل كدا.؟
-ايوه سمعت عنها بس ماتعاملتش مع حد من المؤسسين تبعها أول حد تبعها اكلمه إنتي.
13-تتمني إي من الجريدة الفترة اللي جايه..؟
-إن شاء الله مش أخر تعامل بالتوفيق ليكوا.
14-وجهي كلمه للكُتاب والجريده..!
-للكُتاب ياريت اللي بيكتب حاجة يكون مقتنع بيها، ويكتب حاجة جميلة الناس تفضل فكراها، ولو عندكوا أحلام متيأسوش إنكوا تحققوها عافروا عشان ترتاحوا بعدين، للجريدة شكرًا على اللقاء الصحفي ده فرحت بيه جدًا.
15-كلمة أخيرة نختم بيها الحوار الصحفي.!
_لو عندك حلم أسعى وراه.
تمام
أنا بشكر حضرتك جدًا، وبجد استمتعت معاكي جدًا شكرًا جزيلا