مساء الخير
أنا الصحفية/مريم مصطفي
من جريدة لَحْنّ الأدبية والأخبارية، ممكن الموافقة أني أعمل حوار صحفي معاكِ؟
موافقه
-ممكن تعرفي نفسك في بضعة سطور؟
أنا مريم أحمد محمد أحمد والمعروفة ف الوسط بأسم ورد.
بدرس تمريض ومقيمه في العريش شمال سيناء.
عندي ١٨ سنة.
-ممكن تقوليلنا بدأتِ كتابة أمتى؟
الكتابة زي م كلنا عارفين هواية في الروح ومش بتسكتَسب، بدأت كتابه من وانا في سنة ستة ابتدائي كنت بكتب تعبير كويس جدا ومن صغري وانا بهوى القراءه ف كان عندي حصيله لغويه من سن صغير والحمدلله اتممت حفظ القرءان الكريم واللغه بقت بالنسبه ليا سهلة وانا بحب وبعتز جدًا باللغة العربية الفصحى وكنت دايمًا ببحث عن جذور اللغه وبقرأ شعر جاهلي، دخلت الوسط من سنه ونص كنت بكتب م زمان بس مدخلتش المجال غير من سنه ونص.
أيه الصعوبات والعوائق الي كانت بتواجهك يا مريم ؟
أهلي مكنوش مقتنعين بيا، أهم حاجه اني اركز ف دراستي ومنشغلش في حاجه تخليني أغير مساري أو مستوايا ينقص وكانو شايفين لعب عيال يعني، بس مستسلمتش ب العكس كل حاجه كانت بتحاول توقعني كانت بتخليني اكتب أكتر، ونصوصي معروفه بان احساسها بيوصل للكل ومش ممله...
تاني حاجه كيانات الوسط
دخلت كيان وكدا بذلت فيه قصارى جهدي المؤسسين عشان هما مؤسسين بيتعالوا ويتمادو ف اهانه الكتاب، وانا كنت معروفه يعني والحمدلله في المسابقات باخد مركز أول والكل عارف انا مين، خرجت ودخلت كيان إيقاع غجري اكتفيت بيه وحقيقي أصح إختيار واقوى كيان ف الوسط وكله فيه زي بعضه.
أزاي قدرتي تقنعي أهلك وتتخطي صعوبات دي وتطوري من نفسك؟
واحده واحده بقيت بكتب أقوى وأقوى ب الصدفه أبي شاف ليا نص ع مواقع التواصل الاجتماعي قالي انتي اللي كاتبه دا بجد ؟ قولتله ايوا مكنش مصدق وشاف اني مش مقصره في حق دراستي والحمدلله سابني بقا اكمل ف طريقي وبكتب ف روايه ان شاء الله مختلفه وفكرتها محدش لسه عملها ف الوسط هنزل بيها المعرض.
طورت م نفسي ازاي، كنت بقرأ كتب كتير كان في مسابقات في التيم بتاعي واللهم بارك الكتاب اللي معايا كتابتهم قمة الروعة المنافسه بتخليكي تعملي اي حاجه علشان تاخدي مركز وكنت بقرأ كتب لمصطفى صادق الرافعي وغيره من الكتاب، واهم حاجه القرءان الكريم منبع اللغه واللغويات.
هل شايفة قرار الرواية في وقته ولا قرار مستعجل من حيث لسه بقالك فترة قليلة بتكتبي؟
زي م قولتلك الكتابه شيء ف روحي مش مكتسباه ولما بكتب بكتب بأريآحيه وبسلاسة جدًا وبلاقي نفسي وانا بكتب وكل اللي يشوف كتاباتي يقول ان سني كبير لان قلمي اكبر من سني ف الله المستعان وأقدر اوصل لقلوب القُراء.
ممكن اكون مش ف المجال أصلا بس بكتب كويس جدا وعملت رواية ع طول دا مش شرط المهم اني اكون فاهمه اللي بكتبه مش بهبد.
أكيد لازم نلاقي دعم من ناس بنحبها عشان نقدر نكمل
ممكن تقوليلنا يا مريم مين أكتر ناس إلي دعمتك؟
ألآء السيد، قبل م ادخل المجال كنت بوريها اللي بكتبه نبرتها كانت بتوحي ب الفخر وكانت واثقه فيا وحقيقي ممتنه ليها أوي
إبتهال عاطف النصيري عرفتها صدفه ف جروب ديني وهي اللي دخلتني المجال وفضلت جنبي.
حبيبة خطاب، صديقتي واختي الصغيره وسندي دايما.
التيم بتاعي، تيم جموح: نورهان عطيه وممتنه ليها حقيقي، هبة طارق وكانت مصدر بهجتي ودعمي وجهاد كمال وروان الجنايني وساره محمد وإسراء خميس، التيم كله حقيقي دايما بيدعموني ومش بيسبوني أبدًا.
إسراء صادق فخر إيقاع وداعم كتاب الكيان.
مين مثلك الأعلي ؟
النابغة مصطفى صادق الرافعي.
بالنسبالك هل الكتابة لأي شخص ولا بتنبع من الداخل ؟
الكتابة عمرها ما كانت لأي حد، الكتابة بس للي يستحقها للي بيعرف يكتب بجد، الكتابه نابعه م داخل الشخص مش اي حد يكتب كلمتين يبقى كاتب، دا اسمه هبد.
مش اي حد يقدر يحوز على لقب كاتب، انا اهو فخوره بنفسي وبنصوصي بس مقدرش اقول اني كاتبه لانها حاجه عظيمه مش بتيجي بالساهل
كلمينا عن إنجازاتك في مجال؟الحمدلله المركز الأول ف كل مسابقه بدخلها.
اشتركت ف كذا كتاب مجمع.
بس مش هقدر اقول اني عملت انجاز الا بعد م اعمل كتابي المنفرد بإذن الله.
ولو قولت عن إنجاز هيبقى اني قدرت اوصل لقلب اي حد قرأ ليا نص.
هل عندكِ موهبة تانية؟
بحب أغني وبيقولو ان صوتي حلو، بتعلم الخط العربي.
سمعتِ عن جريدة لحن قبل كدا؟
ايوا صحابي الكتاب كانو بينزلو لينكات الحوار اللي بيتعمل معاهم وكدا ومعروفه جدا ف الوسط.
تتمني ايه من جريدة فترة جاية؟
انهم يستمروا ويفضلوا يدعموا الكتاب دايمًا لانهم مصدر دعم وبهجه ليهم والله.
وجهي كلمة لكُتاب وجريدة ؟
يا بخت اي حد جواه الموهبه دي، يابخت اي حد بيكتب متقفوش واستمروا الحلم ملوش حدود ولا أسوار، طول م قلامكم ف ايدكم ابدعوا ومتوقفوش.
للجريده.
ف شكرا لكل مره حسستو الكاتب بالفرحه وعن تجربه.
كلمة أخيرة قبل ما نختم حوار صحفي؟
شكرًا لكل حد وقف جنبي ودعمني، وشكرًا للي خيبوا ظني برضو لان من غيرهم مش هتخطى حاجز الخوف والرهبه واتقدم أكتر، وانتظروني ف عمل فردي ان شاء الله.
بنتااي❤🐤
ردحذففخورةة بيكيي حد السماء❤🫂
ردحذفربنا يحميكيي ويبعد عندكك العين الوحشةة يارب يقلب اختكك❤❤❤❤🫂
ردحذفربنا يوفقك يارب ومن نجاح لنجاح دايما ❤️
ردحذف