مساء الخير
أنا الصحفية/مريم مصطفي
من جريدة لَحْنّ الأدبية والأخبارية، ممكن الموافقة أني أعمل حوار صحفي معاك؟
تمام
أهلا بحضرتك
ممكن نبذه تعريفيه عن حضرتك ؟
احمد عمرو معروف في الوسط ب احمد شعلة
٢٢ سنه هندسة ميكانيكا
من الزقازيق شرقية
شاركت في كتب ( سينما الأقلام -عزيز عيني-همسات كاتب -طال الانتظار)
أشرفت علي كتاب ( شغف تائه -حكاوي القلب )
شاركت في كيانات عدة ( زهرة الاڤندر-احلام بسيطة -حققنا الحلم وغيرهم
ممكن تقولنا بدأت كتابة من امتي ؟
من صغري بحب القراءة والكتابة بس اخدت اول خطوة في سنة تانية ثانوي وبدات اجرب لحد ما اخدت اول فرصة في شهر 8 اللي فات وبدات اشارك في كتب
ممكن تقولنا ايه صعوبات الي كانت بتواجهك ؟
اعتقد ان اهم صعوبات بتواجهة اي حد مش انا بس هيا الايمان بمعني انه مبيلاقيش دعم قوي ليه رغم دعم اهله له ممكن احباط اللي حواليه ياثر عليه ودي كانت من ضمن الصعوبات اللي واجهتنى
ازاي قدرت تتخطي الصعوبات ؟
باني اخد كلامهم السلبي دافع اني اثبت نفسي وانجح
كلمنا عن إنجازاتك ؟
اهم إنجاز في حياتي هو اني اي حاجة بعملها بتعلم منها سواء بتعلم من الأشخاص اللي بعرفهم جديد او من المواقف اللي بتحصل
إنجازي مش في عدد الكتب او في المشوار اللي مشيته لاني لسه في اول الطريق بس هدفي اني اسيب اثر إيجابي في اي حد يمر في حياتي
شايف الوسط الأدبي مفتقر ايه الفترة دي ؟
مفتقر الصفاء
الصفاء الفكري المعظم دلوقتي بيبص للجانب المادي محدش بيبص للجانب الكتابي واي حد بيكتب كلمتين افتكر نفسه كاتب رغم انك ككاتب لازم يكون كلام له هدف ومعني ورسالة مش مجرد كلام والسلام
كمان الوسط مفتقر لان النفوس تبقي صافية مش معني ان ده ناجح انه هياثر عليك واحقد واذم فيه خالص نجاحه ملوش علاقة بيك
مين من ناس نقدر نقول عليهم هنطلع بنفس جيل نجيب محفوظ وناس عظيمة دي بيهم؟
في الوسط الحالي !؟
صعب بس اتمني بجد الكُتاب يطورو من نفسهم واولهم انا المشوار لسه بدري اوووي عليه
في كُتاب حلوين اوووي بس عايزين يثقو في نفسهم اكتر وناس تانية مغرورة ومتقبلش النقض دول عايزين يتعلمو من جديد الكتابة
تنصح ايه الجيل الي طالع ؟
يقرا كتب فصحي كتير ويطور من نفسه ويخليه في قابليه انه يسمع الرأي الاخر اللي بينتقضه لان ده هيكون سبب نجاحه مش الرأي اللي بيطبل ليه
مين مثلك الأعلي؟
مفيش حد معين بس ممكن نقول مصطفي محمود ونجيب محفوظ
مين أكتر الناس الي دعمتك في بداية مشوارك ؟
اهلي يليهم جزء من صحابي
بتحضر ايه الفترة الجاية ؟
ان شاء الله ناولي اعمل اول عمل فردي ليا وهتكون رواية
ممكن تدينا نبذه بسيطه عن العمل ؟
ممكن نقول انها رواية غير تقليدية لانها هتتكلم عن اكتر من موضوع يعني هتختلف في التصنيف من دراما لاكشن لتنمية لتعليمي
جميل جدًا وكل التوفيق
كلمة أخيرة قبل ما نختم الحوار الصحفي ؟
شكرا ليكي .