مساء الخير
أنا الصحفية/مريم مصطفي
من جريدة لَحْنّ الأدبية والأخبارية، ممكن الموافقة أني أعمل حوار صحفي معاك؟
اكيد يشرفني.
:-ممكن نبذه تعريفية عنكِ ؟
انا ببساطة اسمي فاطمه الشاعر لقبي ود
في رابعه جامعه بكتب من حوالي ٨ سنين
مشاركه في ٤ اعمال في المعرض
:-امتي بدأتي كتابة بالظبط ؟
من ٣ اعدادي بكتب شخابيط كدا وبدأت كتابه بجد ودخول رسمي الوسط في أولي جامعه تحديدا في سن ال١٨.
:-ايه العوائق إلي كانت بتواجهك ؟
التأقلم في الوسط كان عامه صعب لانه محتاج تنزلي وتتابعي دايما محتاج مثابره ومعافره عشان توصل بس انا انسان فرهود شويه الحقيقه.
:-ازاي قدرتي تتخطي عوائق دي ؟
كان في ناس من الوسط بتدعمني هما اللي ساعدوني اكمل.
:-ايه أهم إنجازاتك ؟
إحذر إنه يسمعك وبيكيليا
:-ممكن تكلمينا عنهم ؟
بيكيليا مجموعه قصصيه متنوعه جدا فيها مزيج من كذا فكره وكذا فِكر لكذا كاتب حقيقي فخوره بكل حرف فيه
إحذر إنه يسمعك
هي عباره عن روايه قصيره نوعا ما بتتكلم عن قاتل مختل عقلي ببقتل لاسباب شخصيه هي روايه جريمه لكن بعض الناس تشوفها رعب وعد مني هتستمتعي بيها جدا ومش هتتوقعي فيها اي حاجه.
:-ازاي قدرت تجيلك فكرة الرواية ؟
كنت في ورشه كتابه ما
وكان مطلوب تختار لون معين اكتب فيه ف اخترت الجريمه وكتبت اسكريبت كان طويل شويه بس كان التعليق عليه مميز جدا واتقالي احوله لروايه واهو بقي إحذر إنه يسمعك
:-ازاي قدرت تجيلك فكرة الرواية ؟
كنت في ورشه كتابه ما
وكان مطلوب تختار لون معين اكتب فيه ف اخترت الجريمه وكتبت اسكريبت كان طويل شويه بس كان التعليق عليه مميز جدا واتقالي احوله لروايه واهو بقي إحذر إنه يسمعك.
:-مين مثلك الأعلي ؟
محمد صادق .. حسن الجندي..محمد عصمت
:-مين أكتر الناس الي وقفت جمبك في بداية طريقك ؟
جهاد قاسم ..حبيبه احمد .. وجندي مجهول
:-من رأيك الكتابة موهبة ام لأي حد ؟
لا الكتابه موهبه اه بس الجدع ينميها
:-طب من رأيك الشباب الي طالعين دلوقتي ينموها أزاي ؟
القراءه الكتير طبعا .. ورش كتابه مثلا .. يدخل كيانات ويشتغل علي نفسه
:-هل بتحضري حاجه الفترة الجاية ؟
حاجتين الحقيقه.
:-ممكن تدينا نبذه عنهم ؟
مجموعه قصصيه جديده من نوعها هتبقي مختلفه ومميزه المميزه اكيد اقصد مجنونه انا براهن عليها وعلي ثقه وجنان قُرائي
:-من رأيك أي أهم حاجه في العمل الي تخليه ناجح ؟
الاسلوب واللغه والحبكه
:-من رأيك برضو الكاتب الناجح بيتصف ب ايه ؟
كل كاتب ناجح لازم يتميز بحاجه تخصه.
لو حاجه مشتركه هتكون لغه سليمه.
:-هل عندك مواهب تانية ؟
كنت بصمم من فتره ووقفت
:-هل سمعتي عن جريدة لحن قبل كدا ؟
تقريبا اه
:-تحبي توجهي كلمة لجريدة ؟
استمتعت بالحوار جدا وبتمني ميكونش الاخير واثقه أن الحوار هيخرج في صوره لطيفه جدا