من جريدة لَحْنّ الأدبية والأخبارية، ممكن الموافقة أني أعمل حوار صحفي معاك؟
موافقه
1-ممكن تعرف نفسك في بضعة سطور؟
أنا ياسمين جمال عندي 16 سنة كاتبة في تانيه ثانوي علمي
2-ممكن تقولنا بدأت كتابة أمتى؟
كنت بكتب من وأنا صغيرة جداً ومكنتش مهتمة ساعتها بالكتابة لأنها موهبة فيا وبعدين من سنه تقريبا بدأت أنشر كتاباتي علي السوشيل ميدايا واشارك بيها في كتب ورقية
3-مين أكتر الشخصيات اللي قابلتك ف مجال الكتابة وأثرت فيك ككاتب؟
أكتر شخص أثر فيا ككاتب هو مفيش تحديد شخص مش أثر فيا كل الي عرفتهم أشخاص رائعين وكلهم تركوا أثر جوايا واتعلمت منهم حاجات كتير بجد أنا فخورة بيهم كلهم
4-هل واجهتك صعوبات ف المجال؟ وازاي تخطيتها واتعاملت معاها؟
اه قابلت طبعاً صعوبات لإني فالأول مكنتش عارفة اي شئ وبدأت أسأل ولسوء حظي سألت صديقة ليا كاتبة بس هي شافت إني بقلدها ومش ساعدتني وساعتها أنا زعلت بس كملت وساعت تاني ولقيت ناس بتقولي ده موضوع كبير أوي وهنقولك بعدين والكل طنش لحد ما كلمت صديقة ليا إسمها شهد وهي أول شخص ساعدني
5-بالنسبالك الكتابة هواية او موهبة ولا ممكن اي شخص يكتب عادي؟
لا هواية وممكن لو الإنسان عصر نفسه علشان يكتب برده ميعرفش ،هي حاجة بتيجي فجأة
6-من رايك الكاتب المثالي او الناجح بيتصف ب اي؟
لازم يكون عنده صبر وقارئ جيد وده شئ أساسي وديما يطور من نفسه
7-مين مثلك الأعلي؟
الرسول عليه الصلاة والسلام
8-مين وقف جمبك وشجعك ف اول خطوة ليك ف المجال؟
بابا
9-كلمنا عن انجازاتك
شاركت في ثلاث كتب مجمع "كتاب رسائل مُزقت" و"ما وراء الليل" و"مرايا الروح" أخدت درع الكتاب المتفوق وميدالية، عملت كتاب مجمع اسمه" مُتناقِض" وكنت مشرفة عليه واخدت شهادات كتير في مجال الكتابة وقررت إني أكون مشرفة علي كتب مجمعة علشان أساعد الناس أنها تشارك والي عنده موهبة يشارك بيها و يكبرها، عملت قناة علي اليوتيوب علشان أساعد بيها الكل بأي معلومة أو خبرة عندي وحقيقي ممتنة لكل الناس الي اتعرفت عليها في المجال ده
10-كلمنا عن خططك المستقبلية ف مجال الكتابة؟
حالياً شغالة علي قصة قصيرة هعملعا كتاب لوحدي وبشتغل علي إدارة خمس كتب مجمعة وكمان بجهز إني هكون ضيفة شرف في حفلات تكريم الكُتاب علشان اكلمهم في موضوعين مفيدة ومهمة
11-هل عندك مواهب تانية؟
الرسم والغناء
12-سمعت عن جريدة لَحْنّ؟
اه بس متعاملتش معاها قبل كدا
13-تتمنى اي من الجريدة الفترة الجاية؟
تكون في نجاح مستمر دايماً وتتطور وتساعد الكُتاب زي كل مرة بتعمل العظمة دي
14-وجه كلمه للكُتاب والجريدة؟
الإستمرار حتي لو مفيش دعم في الأول خليك مستمر
15-كلمة أخيرة نختم بيها الحوار الصحفي؟
انا مبسوطة بالحوار معاكي بجد يا فرح وبتمني الجريدة أنها تكون دايماً في نجاح
سعدت جدًا بالحوار مع حضرتك شكرًا جزيلًا.