-مع حضرتك " الصحفي يوسف عادل "ممكن الموافقة أني أعمل حوار صحفي معاك حضرتك؟
**اكيد اتفضل
١-ممكن تعرفي نفسك في بضعة سطور؟
**انا نانسي 18 سنة بحب المسرح ك باليه وتمثيل وفنون شعبية و كنت لاعبة كاراتيه وبرسم وبشتغل هاند ميد وبكتب روايات كمان
٢-ممكن تقولينا بدأتِ تمثيل أمتى؟
**من ابتدائي
٣-مين أكتر الشخصيات اللي قابلتك ف مجال التمثيل وأثرت فيكِ كممثله؟
**بدرية طلبه
٤-هل واجتهك صعوبات ف المجال؟ وازاي تخطيتيها واتعاملتِ معاها؟
**اكيد ف اي مجال دخلتو لقيت صعوبات بس بعديها بشتغل علي نفسي عشان ابقا حاجة كويسة فالاخر بحاول احفز نفسي بشجع نفسي بنفسي مينفعش ابقا داخلة مجال ويبقا عنـدي احباط اني ممكن موصلش بنسي اي حاجة وبفكر فاللي جاي اللي هوصلو بعد كدهه
٥-بالنسبالك التمثيل هواية او موهبة ولا ممكن اي شخص يمثل عادي؟
**التمثيل هواية وفي نفس الوقت يعتبرر حلم عايزاه يتحقق اكيد
اه ممكن اي شخص يمثل عادي بس تعب ف الاول لانو لازم يشتغل علي نفسه كويس الاول وفي نفس الوقت لازم يكون حابب الحاجة دي لان هو لو مش حاببها مش هيبدع فيها مش هيكون حابب يشتغلها
٦-من رأيك الممثل المثالي او الناجح بيتصف ب اي؟
**الصبر الطموح التميز مييأسش بسرعة يكون بيعمل حاجة مختلفة مش مجرد شاف ممثل يقلده لا يقلده ويعمل الاحسن
٧-مين مثلك الأعلي؟
**هنا الزاهد و هشام جمال ياسمين صبري
٨-مين وقف جمبك وشجعك ف اول خطوة ليك ف المجال؟
**ملقتش حد يشجعني بس اصريت ورا حلمي وماما وقفت جمبي لما لاقت اني متمسكة بيه ومعنديش حلم غير المسرح ب انواعه مكنش حد جمبي بس ف الاخر ماما واقفت جمبي
٩-كلمنا عن انجازاتك؟
**بطولات ف الكاراتيه و شهادات تقدير و المسرح تمثيل معايا كارنيه والفنون الشعبية اخدت شهادات كتير اوي ودرع و اني وصلت ل 50% من اللي انا عايزاه وده انجاز حلو ليا وانا ف سني دهه اني دخلت كل المجالات مش كلها اوي ممكن نقول 50% منـها
١٠-كلمنا عن خططك المستقبلية ف مجال التمثيل؟
**حابة اننا مستقبلياً بعد م اخلص وكده اعمل فرقة وهتبقا فرقة باليه وهيبقا عرض من ديزني اول عرض باليه تمثيلي مـن عالم ديزني حابه اني اعمل حاجة مختلفة محدش عملها وهيبقا اول عرض ف مصر
١١-هل عندك مواهب تانية؟
**ايوة الباليه والرسم والهاند ميد والديكورات و الكاراتيه و الفنون الشعبية وكتابة روايات
١٢-سمعت عن جريدة لَحْنّ؟
**مش متذكره كويس بس في اعتقادي اني سمعت عنها قبل كدا
١٣-تتمنى اي من الجريدة الفترة الجاية؟
**ان هيا تبقا حاجة متقدمة انها تدعم الفنانين برضو ودي هتبقا حاجة حلوة ل اي فنان صغير لسا زينا ودي حاجة هتشجعهم اكتر انهم يتمسكوا ف حلمهم اكتر حتا لو ملقوش تشجيع بس ممكن حاجات صغيرة تفرق معاهم
١٤-وجه كلمه للممثلين والجريدة؟
**آحـب اشكر الممثلين والجريدة ل اي حد كان سبب ف دعم الاجيال الصغيرة الموهوبة او اللي م عارفة تطلع موهبتها شكرا بجد
١٥-كلمة أخيرة نختم بيها الحوار الصحفي؟
**ان اي حد عندو حلم ميقفش ويسعي وراه ميياسش لسا الطريق طويلل ومش اي حد بيمشي فيه
فيه كتير جدًا يئسو ف بداية طريقهم وده وصلهم انهم ميكملوش حلمهم او ان حلمهم انطفي لازم يكون في صبرر واجتهاد وان حد يشجعو ويحفزه علي ده يمكن اي حد دلواقتي عندو حلم ومننا كتيرر حلمهم انطفي وهما لسا في البدايه وبتكون ل اسباب تانية بس متيئسوش لسا في طريق تاني عشان تحققو حلمكو وان الشخص اللي عندو حلم ميستسلمش بسهولة ويفضل وراه عشان يبقا شخص ناجح اولا ولو انتي وخداها ك شهره فهيا ساهلة والسوشيال ميديا مليانه ولو انتو بتجربو لسا و عايزين تدخلو ف المجال او بتفكرو فحابة أقول بطل تفكر ولكن مش تلغي دماغك لا بطل تفكر في العقوبات بطل تفكر في لو كذا محصلش هعمل إيه بطل تفكر وتحسبها بالمللي دماغك مش ناقصة لما تحب تجازف وتجرب حاجة جديدة خش بقلب جامد ومش هتخسر ولا ربنا هيكسرك أبدًا طالما بتسعى
سعدت جدًا بالحوار مع حضرتك شكرًا جزيلًا.