ممكن نبذه تعريفيه عنك؟
اسمي ندىٰ عاطف في كلية التربية وكاتبه مبتدأة
بدأتي كتابه من امتي؟
ما يقارب الأربع سنين تقريبًا
ايه الصعوبات الي بتواجهك؟
أيوا بواجه بعض الصعوبات زي مثلًا اني مش بيبقي عندي إلمام كافي بالمعاني القوية للكلمات وكدا، واحيانًا وأنا بكتب ممكن مقدرش اكمل الخاطرة للنهاية، أو أحس إن فقدت شغفي وأنا بكتبها
ازاي بتحاولي تتخطي صعوبات دي
بحاول أقرأ على قد مقدر بحيث يبقي عندي إلمام أكثر من الأول، ومش شرط أقرأ كتب أو روايات وكدا ممكن أقرأ كتابات أصدقاء ليا او أي أشخاص بتكتب، وأحيانًا ببحث على معاني الكلمات او تفسيرات لمعاني في القرآن الكريم دي بتفيد أكتر وهكذا وبكدا بقدر أتخطاها نوعًا ما يعني
ايه اهم إنجازاتك؟
شاركت في أول كتاب خواطر مجمعة في نهاية ٢٠٢١ كان أسمه سينما الأقلام
من وجهة نظرك كاتب ناجح بيتصف ب ايه؟
بيبقي ليه طريقة معينة في كتاباته بحيث يبقي قادر يوصلها لكل الأعمار سواء كان مستخدم فيها كلمات بسيطة او معاني قوية
لكن فيه ناس كتير بتكتب بتبقي بتخاطب في كتاباتها شخصيات معينه اللي هما فاهمين فقط معاني الكلمات اللي كاتبنها ودا من نوع الكُتاب اللي مش مقبولين في العادي لان كتاباتهم مبتبقاش مفهومه ولا واصل معناها للكل
الوسط الفني مفتقد ايه؟
مفتقد حاجات كتير من ضمنها مثلًا ان مش متاح أحيانًا أي برامج مساعدة للكُتاب المبتدئين كمثلًا انهم يعلموهم اصلول الكتابه وكدا لأن غالبيتنا بيكتب بس مش بيبقي كاتب بالشكل الصحيح لأنه مش معاه من البداية الأسس والأصول الخاصة بالكتابه هو بس كتب اللي بيدور في باله بشكل يكاد يكون متماشي مع بعضه وخلاص
ومفتقد برضه انه مش بيتيح لكل كاتب أنه يظهر بكتاباته بالشكل اللي تستحقها، يعني ممكن كاتب كتاباته قوية يبقي فيه كاتب كتاباته تميل للعادية سابقة بمراحل بمجرد أن حد قدر يوصله
هل في وجهة نظرك هنلاقي زي جيل نجيب محفوظ مره تانيه؟
ممكن اظن لو حد طور من نفسه في مجال الكتابه ربما يبقي قريب ليه أو زيه تمامًا
وجهي كلمه لكُتاب المبتدئين؟
اتمني كل شخص عنده ملكة الكتابه أنه يطور منها بقدر الإمكان ويناقش امور مهمه من خلال كتابته دي
مين مثلك الأعلي؟
مثلي الأعلى والدي ووالدتي
كلمه أخيرة نختم بيها حوار
بحب اشكر اهلى على دعمهم ليا وتشجيعي، وأشكر اي شخص شجعني ودعمني وبتمني كلنا ندعم ونشجع بعض على اي حاجة بنعملها مهما كانت تبان للبعض انها بسيطه