ـ قوليلي بقى نفسك تبقى اي في المستقبل؟
=مش عارفه
ــ ازاي مش عارفه!
=انا فاشله ومش هنجح
ــ لي بتقولي كده؟
=كنت قاعده ف مرة مع ماما وبقولها نفسي ابقى دكتورة واعالج الناس الغلابه ببلاش، قالتلي انتي طول عمرك فاشله وهتفضلي فاشله ومهما كان انتي بنت.
ــ قولتلك قبل كده متنتظريش من حد انو يشجعك، انتي اللي تشجعي نفسك لانك ممكن تلاقي اقرب الناس ليكي بيحبطوكي فبلاش تسمعي كلام حد وصدقيني انتي مش فاشله انتي محتاجه حد يشجعك وده اكبر غلط لان مش هتلاقي الكل معاكي وبيشجعك
=علشان انا فاشله فمحدش بيشجعني
ــ لا انتي ناجحه وهتبقي حاجه عظيمه اوي كمان بس انتي ركزي انتي عاوزة تبقي اي عشان نفسك مش عشان حد
(رجعت البيت وانا بفكر فكل كلمة صحبتي قالتها وقررت فعلا ما اسمعش كلام اي حد حتى لو كان اقرب حد ليا وبدأت انا أشجع نفسي وبقيت ادي لنفسي طاقة إيجابية)
ــ قومي اعملي الفطار
=حاضر يماما هخلص الل ف ايدي وقوم خمس دقايق بالظبط
ــ انا قولت قومي مذاكرة اي وقرف اي انتي فاشله وهتفضلي طول عمرك فاشله.
(قومت ومدتش للكلام اهتمام وعملت الفطار وكملت مذاكرتي عادي جدًا)
"وجه وقت الامتحانات وبدأنا التوتر"
صحيت الصبح وصليت ركعتين وزاكرت شوية وقومت جبت ورق ملون وكتبت فيه جمله شهيرة جداا
"طول ما أحلامك فطوعك كمّل وامشي لـِ قدام.
مش نهاية الكون وقوعك النهاية فالاستسلام."
روحت الامتحان وكان كلي حماس وايجابية، دخلت الامتحان وحليت عادي جدا بعدما قولت الدعاء
رجعت البيت وانا فرحانه وعدي يوم ورا يوم ورا يوم لحد م الامتحانات خلصت
ــ ها ي مريم الامتحانات اخبرها اي؟
=النتيجه فضلها اسبوع ي بابا
ــ خير ان شآء الله
عدي الاسبوع بسرعه اووووي وظهرت النتيجه
وانا قاعده اعصابي سايبه وقلقانه وفجأة ظهر قدامي:
نهنئ
الطالبة"رحمـة مصطفى"
الحاصله على المركز الاول على مستوى الجمهورية
سمعت الجمله دي ومقدرتش انهرت من العياط حرفيا انا كنت خلاص يئست جدا وكنت عارفه اني هفشل ومش هعدي وهفضل زي م انا، قومت صليت وفضلت أعيط كتير كتير اوووووووي وفضلت أشكر ربنا على نعمه التي لا تُعد ولا تُحصى وعدت الأيام واتخرجت وبقيت
"دكتورة أطفال"
"ومن هنا أثبت للجميع أن البنت مش قليله، وأثبت للناس الل كانت منتظرة فشلي أن قد التحدي وأقوى من كل شيء ومفيش حاجه تهزني"
حط فدماغك أنك
"قدها"★
❀إبني نفسك بنفسك لِنفسك❀
انتهــى♡
الكاتبة: رحمة مصطفى" برق"