موافقه اعمل معاكي حوار؟
اكيد يا جميله ❤️
-ممكن نبذه تعريفيه عنك ؟
إسمي: رحمه عادل ابو المعاطي
بالصف الثاني الثانوي بقسم العلمي
محافظه البحيرة دمنهور مركز حوش عيسي
-امتي بدأتي كتابه؟
من اول تالته اعدادي الي انا عدتها بسبب ظروف معينه ومحضرتش الامتحانات بتعتها وانفصلت عن دفعتي ومعتش بكلم حد ولا من دفعتي ولا الدفعه الي بعدي وبقيت لواحدي فلجئت للكتابه وإني احكي تفاصيل يومي اخر الليل كانت افضل لحظه في يومي واي حاجه تشدني اكتب عنها وانتقدها زي ما انا عايزه وكنت بحس براحه بعدها ومن ساعتها بكتب من حوالي 3 سنين كده
-ازاي بتواجهي عوائق الي بتواجهك؟
مفيش عوائق ،اي عائق بيقبلني بحاول استفاد منه في اني اطور من نفسي واخذ الجانب الإيجابي منه.
-مين مثلك الأعلي؟
اخويه الكبير (محمد)
-كاتب ناجح بيتصف ب ايه؟
يكون واثق من نفسه ومش بيتأثر بكلام حد سواء كلام حلو او وحش واحباط لي ويعرف يفصل بين حياته ومشاعره وكتابته علشان ميفقدش شغفه في وقت حزنه ويخلي الكتابه مصدر بور لي وانه يكون عنده صبر وكلمته من عقله وقلبه الاتنين
-وسط ادبي مفتقد ايه؟
مفتقدني
-ايه خطط مستقبليه؟
اطور من نفسي في الكتابه اكتر واستفاد من الكُتاب الي اكبر مني في الخبره واقراء كتب كتير وان شاء الله اعمل كتاب خاص بيا لواحدي قريب جدا
هل من وجهة نظرك
-هنقدر نلاقي جيل نجيب محفوظ مرة تانيه؟
جيل نجيب محفوظ موجود في كتير مننا بس زمانه غير دلوات حاليا للاسف الناس بتدي مكانه اكتر لناس متستحقهاش زي صحاب الاغاني والمهرجانات وهكذا بقا كتير من الناس معندهاش خلق تقرا اي حاجه ولا حب وشغف تجاه الكتابه ولا الكُتاب الا قليل جدا
-عندك مواهب تانيه؟
كنت برسم زمان وبطلت لاني عرفت انه حرام رسم الاشخاص وكدا وبحب البرمجه والالكترونات من وانا طفله وبعرف اتعامل مع اي جهاز وبستخدم ده في اني اساعد صحابي لو حد تلفونه متهكر وكدا
-مين وقف جمبك وشجعك في اول خطوه في مجال؟
صحبتي (إيمان محمد كمال) في يوم شافت كتابتي عادي لقيت كميه لطف منها ورد فعل جميل جدا لدرجه اني حبيت الكتابه اكتر ودا كان سبب مهم فعلا من الاسباب إلي شجعتني علي اني اطور من نفسي ومن كتابتي وابدأ اعرضها لناس وكمان اخويه الكبير( محمد) كان مصدر تشجيع ليا مادياً ومعنوياً وماما طبعا ربنا يخليها دائما ثقتها فيا ان انا هكون حاجه في يوم من الايام هي الي كانت بتدفعني اني اكمل علشان افرحها واختي الكبيره (نسمه ) كانت سند وعون ليا وناس كتير شجعتني الصراحه مفيش حد قالي اني أوقف كتابه نهائي وحتي لو في انا كنت ببص للحلو للي يخليني اكمل واتقدم مكنتش بركز في اي حاجه تانيه وان شاء الله ربنا يقدرني وابقا حاجه حلوه واشرفهم كلهم وافرحهم بيا.
-مين اكتر شخصيات الي قابلتك وأثرت فيكي ك كاتبة؟
صديقتي الكاتبه: ايمان محمد كمال ♥️
والكاتب :محمد طولان
والكاتب احمد شعله
والكاتبه: شهد محمود
وعمرو عبدالحميد طبعا ونجيب محفوظ وديل كارنيجا وغيرهم كتير ❤️
-كلمه نختم بيها حوار صحفي؟
مبسوطه اني كنت مع حد لطيف زيك وان شاء الله نتكلم تاني عن كتاب جديد ونتعامل مع بعض اكتر يا جميله ❤️