السلام عليكم أنا الصحفية/ شهد اسامة
من جريدة لَحْنّ الأدبية والأخبارية، ممكن الموافقة أني أعمل حوار صحفي معاكي؟ أكيد طبعاً يزدني شرف.
١-ممكن تعرفي نفسك في بضعة سطور؟ مـريـم ربيـع عندي 18 سنـه من محافظة القليوبيــه قريــة منشأة العمــار ، بحب الكـتابه جداً .
٢-ممكن تقوللنا بدأت كتابة أمتى؟ بدأت أعبـّر مثلاً عن مواقف بتحصلي بالكتابـه ، حصل ظروف بدأت أكتب عنها لحد م حسيت اني بحب الكتابه جداً لأنها بتعبـّر عن مشاعر ممكن منقدرش نحكيها لكن نقدر نسردها وتوصل لغيرنا بنفس الأحساس اللي كتبناها بيه ، ومن هنا بدأت أكتب وكملت لأن لـطيف جداً تكمل ف حاجه بتحبها .
٣-مين أكتر الشخصيات اللي قابلتك ف مجال الكتابة وأثرت فيك ككاتبه؟ د/حنان لاشين وكتير جداً لكن ف الوسط حالياً ك كتابـه ياسمين حسين وفادي رضا بجد كتابتهم حلوه جداً وخلود المنسي وهديـر وكتير جداً بجد ف كتابة الخواطر
بينما الشعر بجد عمرو حسن كتابتُـه دايماً مُعبـّره وفي ف الوسط حالياً محمد صادق وحبيبه شـِبل وأحمد نادر ومحمد علي والبغدادي والغزاوي وناس كتير جداً بتعمل حاجه لطيفه.
٤-هل واجتهك صعوبات ف المجال؟
أه أكيد طبعاً أولهُـم أن البيئه اللي حواليا مبيعتبروش الكتابه دي قد كدا اللي هو يعني هتستفادي منها اي لكن الحمدلله الواحـِد بيكمل.
وازاي تخطيتها واتعاملت معاها؟
علي قد ما قدرت أتخطي الكلام بحاول أشتغل علي نفسي وحالياً أتبدلت حاجات كتير وبقي ف ناس لطيفه بتشجعني.
٥-بالنسبالك الكتابة هواية او موهبة ولا ممكن اي شخص يكتب عادي؟
في ناس بالنسبالها هوايه بيحبوا يكتبوا لكن بيخونهم التعبيــر مش بيقدروا يعبـروا بطريقه لطيفه ، وفي ناس عندها الموهبـه دي تلاقيها مُــبدعه جداً
أي حد يكتب عادي معتقدش لكن ف ناس بتشتغل علي نفسها وبذات لو بيقدروا يوصلوا لغيرهم مشاعرهم ونفس الأحساس.
٦-من رايك الكاتب المثالي او الناجح بيتصف ب اي؟
حاجات كتير لكن ألطفهُـم إن بيوصل كتابتـُه لقلوب الناس بسرعـه وبتعبّر عن مشاعرهم واللي مبيقدروش يقولوها الكاتب بيوصـِف اللي ف قلوبهم .
٧-مين مثلك الأعلي؟ فـِ الكتابـه أشخاص كتير منهم ذكرتهم فوق لكن أفضلهم حنان لاشين ومحمد إبراهيـم وعمرو حسن وفارس قطريه وأشخاص تانيه أكيد .
٨-مين وقف جمبك وشجعك ف اول خطوة ليك ف المجال؟ مـريم زكريا شجعتني أدخل ف المجال ووقفت جانبي بجد ف حاجات كتير جداً ، خالتو شجعتني جداً أدخل وأعمل حاجه بحبها وأهلي عمومـّا ليهم فضل في كل حاجه .
٩-كلمنا عن انجازاتك؟ لسه حاسـه إني معاملتش أنجازات لكن مجرد م بعمل حاجه بحبها بحس ان دا لوحده إنجاز ، أشتركت ف 6 كتب نزلوا ف معرض القاهره الدولي ، شاركت ف حفلات كتب لطيفه ولسه مكمله وإن شاء الله خير والله المستعان .
١٠-كلمنا عن خططك المستقبلية ف مجال الكتابة؟ مش مخططه لكن في طموح او حلم زي ما بيقولوا ، أتمني طبعاً لو خير يتحقق وهفضل أحاول أني أفيد غيري وأعبّـر عن مشاعـِر غيري وهنسيب المستقبل واللي يحصل دا لله.
١١-هل عندك مواهب تانية؟ كتابـة الشعر والمقالات والخواطـر والألقاء.
١٢-سمعت عن جريدة لَحْنّ؟ لطيفه جداً وبتحاول تعطي فرص للكُـتاب وصوتهم وأحساسهم وكتابتهم توصل.
13-هل كتبتي قصيده و حسيتي ان هي عبرت عنك؟
قصيدة جيل مهزوم حسيت إن كل كلمه فيها بتعبـّر عنّـي.
14-ما هو سر لقلبك وكيف تم أختياره؟
حبيت جداً مريميــه لما لقيت فـِ ناس حباه وبتناديلي بيه .
١٥-كلمة أخيرة نختم بيها الحوار الصحفي؟
أتمني أن أي حد بيحاول يوصل كتابته يبقي فيه تشجيع علي كدا وأتمني نوصل ف يوم واللهُ المستعان، وزادني شرفك جداً.
كما نعرف أن كاتبنا المبدعة، فتاة في عُمر الوردات تميزت بالإرادة القوية والنجاح الباهر لم تعرف الفشل قط، ولايعرفها الفشل ، واجهت الصعوبات وتحدتت نفسها، وأصبحت ذات موهبة مرموقة.
سعدت جدًا بالحوار مع حضرتك شكرًا جزيلًا.
القمر بتاعنا ربنا يوفقك ي مريوووم٠❤❤❤❤❤❤❤❤❤
ردحذفوربنا انا مبسوط جدا بيكي يا صغنن 🥺
ردحذف