السلام عليكم أنا الصحفية/آية فرج
من جريدة لَحْنّ الأدبية والأخبارية، ممكن الموافقة أني أعمل حوار صحفي معاك؟
تحت امرك اتفضلي
١-ممكن تعرف نفسك في بضعة سطور؟
الإسم/عادل ضاحي سعد
٢٢سنه
من محافظة المنيا /مركز ملوي قريه الحريه
٢-ممكن تقولنا بدأت انشاد أمتى؟
موهبه منذ الصغر
٣-مين أكتر الشخصيات اللي قابلتك ف مجال الانشاد وأثرت فيك كمنشد؟ المدرب بتاعي المهندس محمد الصاوي
٤-هل واجتهك صعوبات ف المجال؟ وازاي تخطيتها واتعاملت معاها؟ اكيد كان في صعوبات كتير منها ان في اول المشوار مكنتش لاقي التشجيع الامثل اللى يخليك تكمل برضو كمان في ناس كتير كانت بتزرع جوايا اني مش موهوب وان دي مش مكاني لكن انا كنت مصمم وحاطط قدامي هدف اني لازم اوصل لحاجة محدش وصلها قبلي وكل الحجات السلبيه دي كنت ببني عليها خطاوي امشي عليها
٥-بالنسبالك الانشاد هواية او موهبة ولا ممكن اي شخص ينشد عادي؟ موهبه لكن الموهبه مش كفايه محتاجه شغل وتدريب وانك تنميها وتحافظي عليها لانها نعمه من عند ربنا
٦-من رايك المنشد المثالي او الناجح بيتصف ب اي؟ انو ديما بيطور من نفسه مش بيقف عند نقطه معينه ديما بتلاقي عنده جديد وبينوع في أدائه
٧-مين مثلك الأعلي؟
ابويا هو مثلى الاعلى واهم حاجه واغلى حاجه رحمة الله عليه
لكن مثلى الاعلى في الانشاد/الشيخ محمد عمران والنقشبندي
٨-مين وقف جمبك وشجعك ف اول خطوة ليك ف المجال؟
ابويا وامي واخواتي واصدقائي (مصطفى عبد الصبور _احمد رجب_هادي_مصطفي داود_عادل على_احمد مصطفى)وطبعا مشايخي على رئسهم الاستاذ على النقرتي والشيخ محمد صلاح
٩-كلمنا عن انجازاتك؟
الحمدلله عملت اكتر من حفله ناجحه ظهرت على اذاعه شمال الصعيد
وظهرة على شاشة قناة الصعيد ٣مرات
وعلى قناة الحدث ايضا
معظم حفلات تكريم حفظة القرآن اكون متواجد بها واكرم فيها ولكن تعتبر دي لسه البدايه وان شاءالله اللى جاى يكون افضل بكتير
١٠-كلمنا عن خططك المستقبلية ف مجال الانشاد؟
بتمني ان مفيش قناة الا وان شاءالله اطلع عليها نفسي كل العالم يسمعني
واكون افضل منشد في الوطن العربي
١١-هل عندك مواهب تانية؟
اكيد موهبتي الاولى قبل الانشاد تلاوة القرآن الكريم
١٢-سمعت عن جريدة لَحْنّ؟
اول مره اسمع عنها ومش هتكون اخر مره ان شاءالله
١٣-تتمنى اي من الجريدة الفترة الجاية؟ انها تهتم بالموهوبين وتدعمهم
١٤-وجهو كلمه للمنشدين والجريدة؟ كلمتي لاي منشد خلى هدفك الاول ارضاء ربنا هتلاقي ربنا بيوصلك لحاجات مكنتش تتخيلها متسمعش لحد يحبطك كمل في طريقك وطور من نفسك وربنا مش هيضيع تعبك
كلمتي للجريد اتمني ليكم النجاح الدائم والتوفيق
١٥-كلمة أخيرة نختم بيها الحوار الصحفي؟
ما زرع الله فيك رغبة الوصول لأمر معين إلا لأنه يعلم أنك قادر
كمل واتركها لله
سعدت جدًا بالحوار مع حضرتك شكرًا جزيلًا.
بالتوفيق والنجاح والتقدم للامام دوما أن شاء الله
ردحذف