السلام عليكم أنا الصحفية/فرح العيسوي
من جريدة لَحْنّ الأدبية والأخبارية، ممكن الموافقة أني أعمل حوار صحفي معاك؟
_أكيد.
١-ممكن تعرف نفسك في بضعة سطور؟
_ اسمي ملك محمود العدوي، مُقيمة بالجيزة، وعمري أربعة عشر عام (14)، أدرس بالصف الثالث الإعدادي.
٢-ممكن تقولنا بدأت كتابة أمتى؟
_منذ عامين.
٣-مين أكتر الشخصيات اللي قابلتك ف مجال الكتابة وأثرت فيك ككاتب؟
_شخصيات كتير، ومنهم الدكتور عمرو عبد الحميد اللي بسببه دخلت مجال الكتاب، والأدبي نجيب محفوظ، وبعض الشخصيات كحسن الجندي وأحمد خالد توفيق.
٤-هل واجتهك صعوبات ف المجال؟ وازاي تخطيتها واتعاملت معاها؟
_أجل، منهم فقدان الشغف، وعدم الدعم. فقدان الشغف بحاول اتخطاه بحيث إني أقرأ رواية ترجع لي شغفي، بالنسبة للدعم فكده كده هقابل الايجابيات والسلبيات، ومش دايمًا هلاقي دعم، فبقيت أكتب وأنشر ومش بستنى دعم دائمًا.
٥-بالنسبالك الكتابة هواية او موهبة ولا ممكن اي شخص يكتب عادي؟
_ الكتابة بالنسبالي موهبة، موهبة عظيمة كمان، مش أي حد ممكن يكون عنده الموهبة دي، ومش أي حد ممكن يكتب، زي "الطبخ للجميع" لكن مش أي حد يعرف يطبخ. أتمنى تكون رسالتي وصلت.
٦-من رأيك الكاتب المثالي او الناجح بيتصف ب اي؟
_ بالقدوة، والمثل الأعلى، أي كاتب مثالي، وأنا بشوفه ناجح باخده قدوة ومثل أعلى ليا.
٧-مين مثلك الأعلي؟
_ الكاتب الأدبي نجيب محفوظ، وأنا متأكدة في يوم من الأيام هكون حاجة زيه أو أكبر.
٨-مين وقف جمبك وشجعك ف أول خطوة ليك ف المجال؟
_ماما، ولما اتعرفت على كُتاب وكاتبات بدأو يقفوا جنبي ويشجعوني.
٩-كلمنا عن انجازاتك؟
مشاركة في كتابين ورقي مجمع "مشاعر خلف الجدران، وبريق أحرف" والإلكتروني 3 كتب "كتاب كَمَد خواطر، كتاب قلوب تئن خواطر، كتاب اسكريبتات" وطبعًا غير رواياتي والقصص القصيرة اللي بدخل بيها مسابقات وبحصل على تقييم عالي جدًا.
١٠-كلمنا عن خططك المستقبلية ف مجال الكتابة؟
_بإذن الله هيكون ليا كتاب فردي معرض 2024 ودا يعتبر بداية ليا، وبإذن الله كتاباتي توصل للناس كلها.
١١-هل عندك مواهب تانية؟
_ موهبة الرسم.
١٢-سمعت عن جريدة لَحْنّ؟
_ سمعت عنها من واحدة صاحبتي، لكن مش عندي معلومات عنها.
١٣-تتمنى اي من الجريدة الفترة الجاية؟
_ ربنا يوفقهم دايمًا، ويفضلوا هما الداعمين للكُتاب.
١٤-وجه كلمه للكُتاب والجريدة؟
_الكُتاب أتمنى ربنا يوفقهم ويبقوا أعظم كُتاب ويكونوا فخر للجريدة، وبحب أقوالهم إن مش دايمًا هيلاقوا دعم، وطول المجال هيكون وردي، بالعكس هيقابلوا مشاكل وصعوبات كتير لازم يتخطوها، وكذلك للجريدة.
١٥-كلمة أخيرة نختم بيها الحوار الصحفي؟
_ أحب أقول إني اتشرفت جدًا بالحوار الصحفي، واتشرفت بالجريدة، وبكاتبات السوشيال ميديا اللي كانو ومازالوا دعم ليّا.
سعدت جدًا بالحوار مع حضرتك شكرًا جزيلًا.