السلام عليكم أنا الصحفية/سارة الأعصر
من جريدة لَحْنّ الأدبية والأخبارية، ممكن الموافقة أني أعمل حوار صحفي معاك؟ اكيد طبعا
١-ممكن تعرف نفسك في بضعة سطور؟
اسمى:سحر صلاح فاروق
محافظه: السويس
سنى:مش حابه اعترف بعمرى دلوقتى
مهنه : الكتابه
٢-ممكن تقولنا بدأت كتابة أمتى؟من 6 سنين لما كنت فى ابتدائي كنت بكتب زي قصص صغيره او بمعنى اصح كنت بكتب قصه حياتى و اتطورت بإنى بكتب سيناريو و رويات
٣-مين أكتر الشخصيات اللي قابلتك ف مجال الكتابة وأثرت فيك ككاتب؟ الصراحه قابلت كتاب كتير منهم منهم يوسف عماد و احمد يونس و صحابى الكتاب و بقيت بقرأ ليهم و اعرف ازاى بيكتبوا و ازاى بيوصفوا و بدأت انفذ و الحمد لله
٤-هل واجتهك صعوبات ف المجال؟ وازاي تخطيتها واتعاملت معاها؟ اه كتير جدا منهم كان فقذان الشغف و ان مفيش اى داعم ليا من القراء او حتى مفيش مشاهدات كتيره و ده كان بيسبب ليا مشاكل نفسيه و كنت بقطع الروايات و ابطلها و تخطيتها لما عرفت ان العيب فيا مش فى حد و بدأت اكتب اكتر و اكتر و اطور من كتاباتى كنت بصبر و قولت يا رزاق و الحمد لله عملت كتابين روايه طبيبتى و جنه السفاح و لسه مستمره و قريب اوى لسه فى كتب ان شاء الله
٥-بالنسبالك الكتابة هواية او موهبة ولا ممكن اي شخص يكتب عادي؟ الكتابه ممكن اى حد يكتب عادى و لما بنقرأ ليه بيكون القارئ لما يقرا لأى واحد كتب عادى مش بيكون متأقلم مع الكتاب الى الكاتب كتبه و بيقول ان الكتاب مش بيحسسك بأى حاجه بس فى فرق كبير جدا م بين الهوايه و الموهبه الهوايه زى م قولت اى حد ممكن يكتب مشكله موضوع و هكذا لكن الموهبه بتفرق لانها بتكون موهبه من عند ربنا و بيقدر الكاتب يكتب حوار مثلا م بين البطل و البطله و يوصف مشاعرهم و بيقدر يعكس احاسيسه للقارئ و ده الى بيخلى معظم الروارات و الكتب تنجح
٦-من رايك الكاتب المثالي او الناجح بيتصف ب اي؟ سيد القلم و الكاتب الغامض
٧-مين مثلك الأعلي؟ امي ثم امي ثم امي
٨-مين وقف جمبك وشجعك ف اول خطوة ليك ف المجال؟ ماما و بابا
٩-كلمنا عن انجازاتك؟ عكل كتابين الكترونيين روايه طبيبتى و جنه السفاح و مشاركه فى كتابين ورقيين مجمعه طتاب نكهه امل و قريبا ان شاء الله كتاب خطوط الحياه
١٠-كلمنا عن خططك المستقبلية ف مجال الكتابة؟ ان شاء الله بفكر فى كام كتاب هكتبهم اعملهم كتاب ورقى ان شاء الله و كتاب بيحفز الكتاب على تحقثق حلمهم و يساعدهم فى الكتابه
١١-هل عندك مواهب تانية؟ لا
١٢-سمعت عن جريدة لَحْنّ؟ الصراحه لا
١٣-تتمنى اي من الجريدة الفترة الجاية؟ ان تتطور و تنجح و تكون جريده كويسه و مشهوره و الناس تحبها
١٤-وجه كلمه للكُتاب والجريدة؟ بوجهه للكتاب انهم يقراو اكتر و اكتر و يكون ليهم خيال واسع و يكتبوا كتب مثلا عن الثقافه عن الخيال العلمى الرومانسيه و لكن بحدود و بحيث ميكونش ليها اى مشاهد خارجيه يطور من لغه الفصحى و مييأسش من روح الله و يجون عنده يقين و ان شاء الله ربنا مش هينسى حد
١٥-كلمة أخيرة نختم بيها الحوار الصحفي؟ بشكر جريده لحن بأنها عملت معايا حوار و حقيقى كان حوار جميل جدا و بتمنى النجاح الدائم و التفوق شكراً
سعدت جدًا بالحوار مع حضرتك شكرًا جزيلًا.