السلام عليكم أنا الصحفية/آية فرج
من جريدة لَحْنّ الأدبية والأخبارية، ممكن الموافقة أني أعمل حوار صحفي معاك؟
١-ممكن تعرف نفسك في بضعة سطور؟
- انا اسمي عبد الرحمن محمود و شهرتي عبدالرحمن التندي
- طالب بكلية التجارة جامعة بني سويف
- عمري ٢٢ و محاسب .
٢-ممكن تقولنا بدأت انشاد أمتى؟
بدأت انشاد يمكن من و انا فحضانه عملوا حفله صغيره بمناسبه انتهاء العام الدراسي و انشدت و قرأت قرآن فيها .
٣-مين أكتر الشخصيات اللي قابلتك ف مجال الانشاد وأثرت فيك كمنشد؟
البشمهندس محمد الصاوي ، الشيخ عادل ضاحي ، الكابتن كريم مرجان ، في ناس بعيد عن مجال الانشاد لكن علموني اللي ساعدني زي المايسترو احمد مصطفى جلال و المايسترو سامح فتحي .
٤-هل واجتهك صعوبات ف المجال؟
مؤكد طبعا اي مجال الخبره فيه قليله لازم تكون في صعوبه في تعلمه زي مثلا ضعف الامكانيات و عدم توافر شخص متابع لينا كمنشدين يعلمنا و يلهمنا من خبراته مع العلم ان في ناس كتيير جدا اصواتهك عزبه لكن مش معروفين لاجل ضعف الامكانيات المتاحه .
وازاي تخطيتها واتعاملت معاها؟
حاولت قدر الامكان اعلم نفسي بنفسي ، الاصدقاء اللي بيحبوا الخير لبعض و اللي دايما بيجتمعوا فمجالس العلم و الافادة فادوني كتير ، اليوتيوب بشكل خاص و الانترنت بشكل عام ، الاساتذة الكبار اللي قدرت منهم معرفة علم النغم و المقامات سواء من منتخب كورال الجامعه او غيره .
٥-بالنسبالك الانشاد هواية او موهبة ولا ممكن اي شخص ينشد عادي؟
الانشاد هوايه سواء بتحب تسمع او تنشد ، لانه ببساطه مش تحت شرط يكون صوتك عذب علشان تنشد .
و الانشاد موهبه اذ ان ربنا عز وجل اعطاك موهبة الصوت الجميل فتستخدمه في الشىء الصحيح و هو الانشاد.
٦-من رايك المنشد المثالي او الناجح بيتصف ب اي؟
اختياره لكلمات معبره و هادفه و اعتداله فيها ، صوت مقبول للمستمعين ، بساطة اسلوبة و مقاربة ادائه لمتغيرات العصر ليقوم بسماعها اكبر فئه من الناس و خاصة الشباب .
٧-مين مثلك الأعلي؟
الشيخ طه الفشني و النقشبندي .
٨-مين وقف جمبك وشجعك ف اول خطوة ليك ف المجال؟
ربنا ثم الاهل ليهم فضل كبير عليا طبعا ثم الاساتذة الكرام الذين ذكرتهم في السابق.
٩-كلمنا عن انجازاتك؟
الظهور على قناة الصعيد .
الظهور في حفلات عديده بين مسرح مركز شباب ناصر بملوي و بين مسرح جامعة بني سويف تحت قيادة المايسترو احمد مصطفى جلال.
محاولة الظهور على السوشيال ميديا عن طريق التيك توك و الفيس بوك الخ .
ميدلي انشاد ديني مع الفنان حسيني عاطف .
١٠-كلمنا عن خططك المستقبلية ف مجال الانشاد؟
ان شاء الله في افكار كتيره جدا بتتجهز للعرض على الجمهور الحبيب و باذن الله تنال اعجابهم .
١١-هل عندك مواهب تانية؟
لا
١٢-سمعت عن جريدة لَحْنّ؟
اه
١٣-تتمنى اي من الجريدة الفترة الجاية؟
اتمنى ان تحافظ على اهتمامها بالانشاد الديني و المنشدين و انتشاره اعلاميا لانه فن عريق و له اصاله دينيه و روحانيه جميله ترقى بالذائقه السمعيه لدى الجمهور الاسلامي العظيم حتى لا يندثر و يصبح من الماضي .
١٤-وجهو كلمه للمنشدين والجريدة؟
و فقنا و اياكم الله و دائما على قلب رجل واحد للارتقاء بالذوق العام و المحافظه على شبابنا و ذكر حبيبنا رسول الله صلى الله عليه و سلم في كل وقت و في كل مكان بكل اعتدال و تحضر في اختيار الكلمات و المعنى .
١٥-كلمة أخيرة نختم بيها الحوار الصحفي؟
شكرا لحضراتكم جدا و اخص بالشكر اخي الشيخ عادل ضاحي و الجريدة الموقرة على سعيهم الدائم لمصلحة الانشاد و المنشدين جعله الله في ميزان حسناتكم ان شاء الله .
سعدت جدًا بالحوار مع حضرتك شكرًا جزيلًا.
بالتوفيق
ردحذف