السلام عليكم أنا الصحفية/آية فرج
من جريدة لَحْنّ الأدبية والأخبارية، ممكن الموافقة أني أعمل حوار صحفي معاك؟
اكيد طبعاا وأنال شرف تواجدي معكم
١-ممكن تعرف نفسك في بضعة سطور؟
اسمي عبدالرحمن علي كيلاني :والشهره جوبا ، تالته كليه تربيه رياضيه جامعه المنيا ،واحد وعشرين سنه ؛
كاتب وبدايه كانت تمثيل (ممثل مسرحي)
٢-ممكن تقولنا بدأت كتابة شعر أمتى؟
كانت صدفه
من خمس سنين مكنتش بحب اسمع شعر بس في يوم سمعت مقطع بالصدفه وابتديت اتعلق وياخد جانب من يومي وفضولي اني اعرف لمسني اذاي
وبسبب قصه خذلان واحباط ودخولي ف اكتئاب وعدم قدرتي ع التعبير ملاقتش غير الفضفضه للورقه بالقلم
٣-مين أكتر الشخصيات اللي قابلتك في مجال الشعر وأثرت فيك كشاعر؟
_ الشاعر الكبير عبدالرحمن الأبنودي والجخ وعمروحسن وانيس شوشان
٤-هل واجتهك صعوبات ف المجال؟
وازاي تخطيتها واتعاملت معاها؟
اهااا كتير طبعاا بس مش ف المجال
الصعوبات ف الظهور ع الساحه
وبسبب ظروف خارجيه اتكررت اربع مرات تتلغي فقرتي
وكانت ف بدايتي وكان ممكن يكون سبب اني انهي ودعي اي سبب بس كنت بقول لنفسي
: (تمسك بخيوط احلامك لتحقيق ذاتك ،ولتخبر العالم بانك مختلف عن الجميع ومع الاراده القويه بان كل ما اتي به الله من ازمات وعواقب ليس الا لشدة بكاؤك من لذة الوصول)
٥-بالنسبالك الشعر هواية او موهبة ولا ممكن اي شخص يكتب شعر عادي؟
انا شايف ان الشعر موهبه بس ف استثناء لولااا وجود قصه مرت علي شخص وتختلف من شخص لاخر لما كنت اكتشفت هويتي
٦-من رايك الشاعر المثالي او الناجح بيتصف ب اي؟
بمصدقيه شعوره وانه ينشد القلوب مش الاذن والتواضع
٧-مين مثلك الأعلي؟
_عمرو حسن واتمني تجمعنا خشبه مسرح
٨-مين وقف جمبك وشجعك ف اول خطوة ليك ف المجال؟ بعض اصدقائي ميتعدوش ع كف الايدي الواحده وابرزهم صديقي الله يرحمه حسن الشريف
واهلي اللي مديني الدعم ودا اللي مخليني مستمر علشان اشوف فرحتي في عنيهم
٩-كلمنا عن انجازاتك؟
_الانجاز الحقيقي بنسبالي هو عندما انتهي من قصيده واسمع سوكسيه الجمهور
_شاركت بحفلات وندوات شعريه مع فرق مستقله
_مقابلتي مع الشاعره أميره البيلي وسماعها جزء من قصيده مريض مشتاق ورائيهاا اللي بشكرهاا عليه
مشاركتي ف مجال التمثيل المسرحي
مسرحيه (النهايه ) ؛ (عائله نمنم) ؛ (لما روحي طلعت )؛ (الشيطاني ف كي جي تو)؛ (حكايه فرحانه)
ومشاركه ف فيلم قصير عيون الانتقام
ومن أشهر قصايدي (مريض مشتاق)، (لغه العين) ،(متقصدش) ؛ (ما بعد النهايه)؛(رافض الاحتفال)
١٠-كلمنا عن خططك المستقبلية ف مجال كتابه الشعر ؟
باذن الله عند افكار مختلفه ف الكتابه والمواضيع اللي لسه مش حابب افص عنها حالياا بس اللي جي احسن بكتير جدااا
١١-هل عندك مواهب تانية؟
التمثيل
١٢-سمعت عن جريدة لَحْنّ؟ اهااا جريد بتظهر المواهب المدفونه
١٣-تتمنى اي من الجريدة الفترة الجاية؟ اتمني انهاا تسعي لمساعدتناا واعطاء للمواهب الحقيقه فرصه لظهور للاعلان والمشاهير اللي بنحبهم
١٤-وجهو كلمه لاي شاعر والجريدة؟
استخدمواا لغه القلوب ف التعبير وليس فقط كلام يخرج من الفم
١٥-كلمة أخيرة نختم بيها الحوار الصحفي؟
سعدت بهذه الحوار الممتع
سعدت جدًا بالحوار مع حضرتك شكرًا جزيلًا.