- الله ورد يا محمد
= آه ورد وبعدين؟
- بقولك ورد يا بني آدم ورد
= آه وفيها ايه يعني ورد
واتهدي كده احنا في الشارع متتنططيش زي العيال الصغيرة كدة
- ما أنا ببقا زي العيال الصغيرة لما بشوف ورد
= وبتبقي صغيرة برضو لما بتشوفي عرايس ودباديب وبلالين وحتى المصاصات منك لله حسبي الله والله
- بقولك ورد يا محمد
=ياربي هتعيطي ليه دلوقتي؟
- هئ هئ خلاص مش عاوزة حاجة
= خدي بس
- انا صغيرة وعقلي صغير وطفلة عاوز مني إيه؟
= أنا أنا مقولتش كده
- آه بس معنى كلامك كده سلام
=مريم حاسبي!!
- محمد! قوم يا حبيبي هبطل زن وهعقل والله
= والورد؟
- مش عاوزة حاجة بس قوم
= طيب
_ مش تاخدي بالك يا أستاذة الاستاذ كان ممكن يروح فيها
- وانت دخلك ايه؟
ما تخليك في حالك
= خلاص يا مريم، يلا تعالي روحي، تاكس
- استنى بس!
=يلا اركبي مع السلامة
- خلي بالك من نفسك
=حاضر وانتي كمان، في رعاية الله
ــــــــ،،، بعد ساعه ــــــــ،،،،
_ جرس الباب يا مريم قومي افتحي يا اخرة صبري
- يوووه حاضر
= بخ
- محمد!!!
=مين كان عاوز ورد؟
- أنا
= وايه ده؟
- ورد!! جيبه بالله
= تؤ تؤ، جيبي بوسة في خدي هنا
- قليل الأدب مش عاوزة منك حاجه
= خدي بس، طب حضن طيب
- تؤ تؤ
= يا بنتي أنا جوزك
- أما آجي بيتك
=طيب كلها اسبوع و...
- وايه؟
= وهمرمطك في شغل البيت ومش غاسلك المواعين
- واتفاقنا؟
=رجعت فيه انا حر
- بجد
=متبصيليش كده
_ مين يا مريم؟
_يا خبر ابيض يا محمد انت لسه واقف على الباب؟
= ما هو انتي لو تبطلي رغي كان زماني دخلت
_طيب اتفضل
=شكرا
- ما تجيب الورد بقا
=قولت جيبي حضن بس انتي مرضيتيش هديه لحماتي جوااا
- محمد
= قلبه
- جيب الورد
=أجمل ورد لأجمل مريومتي
- بابتسامه "شكرا" ؛ الله فيه مصاصات وبلالين
= أيوة إيه رأيك!!
- حضنته الهبلة
=على فكرة لو كنتي حضنتيني من الأوى مكنتش هقولك لأ يعني، بس حلو وانتي أوزعه ومتشعلقة فيا كدة
- نزلني يا كتلة رخاامة يا قليل الأدب
= تؤ تؤ خليكي هنا شوية
- يا ماما يا ماما
= هتعملك ايه واحد وبيحضن مراته وانتي اللي اتشعلقتي فيا
- بضرب نزلني نزلني
= صياحك طرب
#مريم_طارق