س1/اسمك وسنك وعنوانك؟
_امنيه محمد عبد العظيم.
18 سنه
من شبرا الخيمه
س2/نوع موهبتك؟
_إلقاء وتأليف شعر وكتابه خواطر وقصص قصيره واشتركت في 3 كتب مجمعه نزلو معرض الكتاب 2021 وحاليا بدأت في الروايه بتاعتي
س3/كيف بدأتي مسيرتك ومتي؟
_بدأت من وانا حوالي في رابعه ابتدائي بدأت إلقاء فقط .وطبعا كنت بروح في سني الصغير ده حفلات بس كان كلها تبع المدرسه ..قصور ثقافه وكده و بدأت اكتب شِعر وانا في إعدادي بس مكنتش بقولو
س4/كان يعلم احد بموهبتك من البدايه؟
_اه زملائي في المدرسه وكل الناس الي حواليا
س5/سبق وحضرتي حفلات من قبل؟
_قبل كده كانت زي مقولت تبع المدرسه يعني اي مناسبه مثلا كنت بطلع فيها دايما ،حاليا حضرت اكتر من حفله سواء حفلات توقيع كتب او تبع مبادره او أمسيات شعرية.
س6/ماهي الحفلات التي سبق وحضرتيها؟
_والحمد لله بفضل ربنا اول مدخلا المجال بتاع الشعر يبني وفقني في وقت قصير رغم سني برضو الصغير بقيت بروح حفله الاقي كذا حفله جايه بعديها ،وورايا من دلوقتي حفلتين في شهر ١٠ لسه بجهز ليهم
س7/سبق وحصلتي علي شهادات الكترونيه او ورقيه من قبل؟
_اه حصلت علي ٣ شهادات الكتروني لكني مبهتمش الالكتروني زي الورقي ،عندي شهادات كتير جدا ورقي من اول م كان عندي ١٠ سنين لحد دلوقتي حقيقي شهادات كتير اوي
س8/ماهو اصعب شيء واجهك في الوصول لحلمك؟
_حقيقي هي مفيش حاجه معينه بس هي حاجه مني انا لان كنت ببقي بين الدراسه وبين الحفلات والشعر ف كان بيبقي في صعوبه شويه اني اوفق بين الحاجتين
س9/مين سبب دعمك؟
_اولا ربنا ثانيا أمي هي السبب في كل نجاح في حياتي هي السبب الأول و الاخير
س10/كيف تواجهين الانتقاد وماهو اصعب انتقاد ؟
_انا بتقبل اي انتقاد بل بالعكس لما اقعد اتكلم مع حد اخد رأي حد أكبر مني في قصيده مثلا او خاطره ايا كان بكون مستنيه اي نقد علي شان احسن من نفسي اكتر والنقد ده الي بيديني دافعه اني دايما اطور من نفسي انا عكس بعض الأشخاص بحب النقد جدا،أصعب انتقاد ان هوه انتي لسه سنك صغير ليه عملتي كل ده ازاي والحقيقه انا مش عارفه ده نقد ولا لا بس دي الحاجه الي اتكررت كتير من ناس معرفهاش
س11/ماهي نصيحتك للشباب؟
_احب اقولهم متستعجلوش ومتحطوش حدود لأحلامكم ومتقلدوش اي حد خليكو بشخصيتكم
كتبت الحوار الصحفيه/روضه جمعه.