فرح صابر
17سنه
من اسكندريه
بكتب شعر بقالي 4 سنين
من سنه رابعه ابتدائي وانا المُدرسه بتاعتي كانت بتعلمني ازاي احفظ القصايد وتعلمني الالقاء وكنت بطلع مسابقات كتير جدا واخد مراكز اولى علي الاداره والمحافظه لحد ما بدأت كتابه من تانيه اعدادي .
الداعم الاول كان من اهلي وصحابي وحاليا انا اكبر داعم لنفسي.
اي انتقاد باخده لصالحي وبحاول اشتغل عليه مش بزعل ابدا من الانتقادات وباخدها دافع ليا اني احسن من نفسي.
الكلام السلبي والمُحبط الظروف كمان ساعات بتوقف لكن بفضل ربنا بحاول اني اسعى واكمل
لسه لحد الان مشاركتش ف معرض الكتاب لاني عايزه لما انزل بعمل يكون عمل تقيل وبإذن الله الفتره الجايه بشتغل علي كده
اول شاعر بدأت قراءه ليه هو الشاعر هشام الجخ وده حقيقي مثلي الاعلي اتمنى فيوم من الايام اكون زيه.
انا بقرأ حاليا في كتاب "المفصل في تاريخ الادب العربي" وحقيقي كتاب عظيم جدا بنصح اي كاتب انه يقرأه.
بنصح اي كاتب مبتدء بإنه يقرأ كتير جدا لان حرفيا القراءه بتطور جدا ومدوامة الكتابه كمان.
قدمت فرح لنا مِثال للكاتب المثالي وشكرا فرح وشكرا لكن كاتب يمتلك تلك الموهبه العظيمه ويسعي لهدفه
أجري هذا الحوار الصحفيه:سما امجد