سنتحدث اليوم عن أبنة محافظة الفيوم الكاتبة المبدعة والمتألقة ونبدأ بسؤالها عن:
_عرفينا بنفسك:
=ياسمين سيد الشهرة او اللقب المتداول بين الناس (سينا)
من محاقظة الفيوم.
_الموهبة:
=موهبتي كتابة الخواطر فصحى وعامية وكتابة شعر عامي +رسامة.
_كلميني عن سينا ككاتبة وكحياة عامة:
=سينا كاتبة متفرقش كتير عن سينا كانسانة
لان فكل مرة بكتب بكون متأثرة بمواقف فعلية حصلتلي او حصلت لاشخاص قريبة منهم ولاني شخصية كتومة لا احب البوح وشوية انطوائية فبحاول اخرج كل اللي جوايا فقصايدي وكتاباتي
مؤمنة ان الكلام اللي بيكتب لو مكانش خارج من القلب وم تجربة شعرية صادقة هيكون مجرد كلام سطحي ومهيلمسش القاريء من جوا لانه اصلا كتب بسطحية
اي حد عارفني كسينا بقا بدون كاتبة عارفين اني شخصية حساسة شوية وبتأثر باقل حاجة فمبلاقيش غير ربنا والكتابة الجألهم لاني مبحبش اكون شخص تقيل ع حد والحقيقة متخذلتش ولا مرة وبرتاح وبلاقي نفسي فالكتابة.
_بدأتِ امتى؟
=بدات من 4 سنين ادون كتاباتي لكن من قبلها عندي الموهبة
_أكتشفتِها ازي؟
=اكتشفتها لما لقيت اني م بعرف احكي لحد مالي وبدات الجأ لتدوين كل اللي بحسه وداير فعقلي فنوت الموبايل بدون علم حد.
_مين دعمك:
=فالبداية كان بس اصحابي وكنت مكسوفة اعرف اهلي وخايفة من تريقة الناس لاني بتأثر باي كلمة سلبية بس بعدين عرفوا تقريبا صدفة وعجبهم اوي كتاباتي وانبهروا بيا ومامتي بتدعمني واختي وبعض اصحابي.
_إنجازاتك والكتب الي اشتركتي فيها:
=لازلت بخاف اشترك فاي حاجة خوفا من الفشل بس باذن الله باقيلي سنتين واتخرج وابدأ التفت اكتر لموهبتي واشاركك وفاقرب وقت لو اتيحت لي فرصة حلوة هشاركك+شاركت في مسابقات ارتجالية واخدت مراكز كذا مرة وشهادات تقديرية من بعض الكبانات.
_اشتغلتي ليدر أو مؤسسة قبل كده وفي كيان أيه؟
=لا مشتغلتش ليدر ولا مؤسسة نظرا لضيق وقتي لاني بدرس لغات واجازتي بقضيها كورسات.
_الكيانات الي كنتي فيها:
=كيان داركو_كيان انفصام_كيان فانتازيا_كيان زادك.
_نفسك توصلي لأي في مجالك:
=نفسي اكون شاعره محبوبة وليا جمهوري واتطور بشكل كويس فمجال الكتابة النثرية.
_تعرضتِ لحاجة احبطتك قبل كدَ في مجالك:
=مفيش تقريبا حد احبطني غير اني خايفة اشارك وخايفة من الاراء السلبية.
_شايفة سينا فين بعد سنة؟
=شايفة اني هكون اتطورت بشكل فارق فاكتر من مجال باذن الله.
_رسالة تحبي تقوليها لغيرك:
=متخافوش الخوف كفيل يقتل مواهبكم واحلامكم وممكن تكون موهبتكم كبيرة ومبهرة بس الخوف هيمحيها احلامنا تستاهل المجاذفة وترك الخوف لاصحابه.
_في نهاية هذا القاء أحب أقول بالحوار اتشرفت بالحوار معاكِ.
=بجد اتشرفت بيكي واللقاء الجميل دا.
في نهاية هذا المقال أود شكر الكاتبة المتألقة ياسمين متمنين لها مزيد من التقدم والازدهار،وأتمنى أن ينل إعجابكم هذا القاء اللطيف مع الكاتبة المتميزة ياسمين سيد.