السلام عليكم أنا الصحفية/سُهيله عبداللطيف
من جريدة لَحْنّ الأدبية والأخبارية، ممكن الموافقة أني أعمل حوار صحفي معاكي؟
"اتفضلي..."
١-ممكن تعرف نفسك في بضعة سطور؟
"هدير هاشم، في رابعة جامعة 'دراسات إنسانية علم نفس'، بكتب من حوالي 3 سنين، وشاركت في كتب مجمعة قبل كده وليدر مبادرة خُطوة لتعليم الكتابة الإبداعية".
٢-ممكن تقولنا بدأت كتابة أمتى؟
"من يناير 2019 بالظبط."
٣-مين أكتر الشخصيات اللي قابلتك ف مجال الكتابة وأثرت فيك ككاتبه؟
"الكاتب محمد طارق، شطورة ووصفه وقلمه حقيقي من أعظم الكُتاب."
٤-هل واجتهك صعوبات ف المجال؟ وازاي تخطيتها واتعاملتي معاها؟
"اكيد واجهتني صعوبة زي مثلًا فكرة البداية، ازاي بدأت وكونت جمهور وناس بتقرأ، كان لازم يلاقوا نفسهم بين حروفي وده أنا عانيت جدًا على ما وصلتله.
وكمان في البداية مبتكونش قادر تتعامل كويس مع الحروف، مش عارف تطور نفسك وبتتعب جدًا على ما بتعمل ده"
٥-بالنسبالك الكتابة هواية او موهبة ولا ممكن اي شخص يكتب عادي؟
"الكتابة هواية وموهبة، وممكن الشخص لو عايز يقدر يتعلم من خلال ورش ومبادرات وكورسات ويقوي نفسه، الكتابة أكبر من وصف لأحداث مرينا بيها، دي روح بتتكلم."
٦-من رايك الكاتب المثالي او الناجح بيتصف ب اي؟
"يقدر يوصف حالة القارئ ويوصل لقلبه"
٧-مين مثلك الأعلي؟
هو أكتر من واحد "نجيب محفوظ، وأدهم الشرقاوي، ومحمد طارق".
٨-مين وقف جمبك وشجعك ف اول خطوة ليك ف المجال؟
"والدتي"
٩-كلمنا عن انجازاتك؟
" شاركت في مسابقات إلكترونية واخدت مركز اول، ليا قصص على مدونات إلكترونية زي مدونة "سحر الروايات، وتوريند مصر" كتاب مجمع بخاطرة، وصاحبة سلسلة لأنها تاج."
وأكبر إنجاز هو إن الناس بتعتبرني "خليفة محمد طارق"
١٠-كلمنا عن خططك المستقبلية ف مجال الكتابة؟
"بإذن الله أقدر أنزل برواية فردية ليا، هتكون إجتماعية وبتناقش قضايا مهمة موجودة في المجتمع."
١١-هل عندك مواهب تانية؟
" إنشاد ورسم" غير مواهبي في تخصصي"
١٢-سمعت عن جريدة لَحْنّ؟
"أيوة سمعت عنها وإنها بتدعم المواهب."
١٣-تتمنى اي من الجريدة الفترة الجاية؟
" إنها تركز مجهودها وتهتم بالمواهب أكتر، ولو تقدر توفرلهم مشاركات حقيقية على أرض الواقع"
١٤-وجه كلمه للكُتاب والجريدة؟
" كلمة للكُتاب: بلاش تيأس، الحلم بيحتاج طولة بال، ومنتظرين إبداع جديد الفترة الجاية"
"كلمة للجريدة: شكرًا على دعمك للمواهب"
١٥-كلمة أخيرة نختم بيها الحوار الصحفي؟
" نحتاج أن نعطي فُرص عشوائية، فبعض القلوب تهاب القرب"
الفرص العشوائية لنفسك، لحياتك، لشغلك، لطموحاتك، خليك واثق أنك تستاهل توصل لكل اللي بتحلم بيه بس الاستمرار في السعي.
سعدت جدًا بالحوار مع حضرتك شكرًا جزيلًا.
بالتوفيق يارب ♥️
ردحذف