خلينا متفقين أن أتخاذ القرارات والمواقف من أصعب المشاكل إللى بتواجهنا فى الحياة، لأنة مش من السهل تاخد قرار معين تكمل بية طريقك ولا موقف من شخصية معينة ممكن يبعدنا عنها للأبد حتى لو كانت فى يوم من الأيام ليها معزة فى قلبنا، طب نيجى بقا على السؤال إللى علطول محيرنا يا ترى أمشى ورا المنطق بتاعى عشان دايماً بيبقا صح ولا مع العاطفة أللى دايماً بتقول عكس المنطق ؟!
هنلاقى إجابات كتير أوى : فى منها مفهوم وفى مشوش ومش عارف يقرر طب نستنى لحظة كدة ونفكر، هنلاقى الإجابة من غير أى مجهود واضحة وبتقول لينا مش هينفع نخلى العاطفة بتاعتنا تتحكم فينا.
لأن معظم الناس بطبيعتها عاطفتهم حساسة فأكيد مش هتوجهم للصح، إنما بقا فكر كدا فى أى موقف أو قرار خدته بس خليت المنطق بتاعك هو أللى يسيطر على الموضوع وركنت العاطفة على جنب كدا، هتلاقى أكتر من ٩٩٪ من المواقف والقرارات صحيحة طب هنلاقى سؤال بيقول إيه السبب فى كدا ؟
السبب أن قرارك طلع صح وموقفك ريحك نفسياً، أنك حكمت المنطق بتاعك ال قادك وخلاك رغم اللغبطة ال أنت فيها تعمل الصح لأن المنطق دايماً بيبص للمواقف والقرارات نظرة فيها جمودية لأنة بيبقا عاوز يريح صاحبة ال العاطفة بتاعتة تعبتة من كتر ما خد قرارات ومواقف بيها وطلعت غلط، عشان كدا لازم نخلى المنطق بتاعنا خير قائد لحايتنا ونقلل العاطفة لأنها كل لما تزيد بضر صاحبها، عشان كد أمشى بالمنطق وأوعى تحاول ترجع فى قرار ختة أو حاجة سبتها عشان هو وجهك لأنة ما تتركة بالمنطق لا يفترض أن تعود إلية بالعاطفة مهما كان!
بقلم/ إسراء خورشيد