_السلام عليكم
=وعليكم السلام
_مع حضرتك الصحفية:نور وحيد"ست ورد"
من جريدة لحن الإخبارية، أريد منكِ الموافقة علىٰ عمل لقاء صحفي معك!.
=أكيد اتفضلي
_مبدأيًا واول ما أود طرحه عليكِ كلميني عنكِ في بضعة من الأسطر؟...
=أولاً أنا عبير محمد |ست بيري.
21 سنة في كلية الأداب قسم الأنثروبولوجي جامعة الأسكندرية فرقة ثالثة.
من محافظة الأسكندرية.
_ما هي أفضل جملة قيلت لكِ قد أثرت في عبير محمد؟
=كنقد بالسلب الحمدلله معتقدش حد نقدني بالسلب.
لو إيجاب هو كلام ناس كتير ف حياتي سواء صحابي من الوسط او الباقي وهو أني متأثرش بغياب حد ودنيتي متقفش ع حد وأبني نفسي وشغلي بنفسي ومستناش حاجة من حد وده كان الحافز ليا أني آسس مؤسسة وجريدة لَحْنّ الأدبية والأخبارية.
_كيف أتت إلىٰ ذهنك فكرة عمل جريدة لحن الإخبارية، ومن السبب في ذلك؟
=أنا كنت رافضة فكرة أني أعمل مؤسسة أو جريدة وكانت الفكرة مستحيلة بالنسبالي وده أحترامًا للناس اللي اشتغلت عندها أنا الحمدلله دخلت كل كيانات الوسط واشتغلت فيهم سواء كاتبة او مصححة او ليدر او حتى نائبة وكانت الناس دي ليها أفضال عليا فكان طبيعي مستحيل يجي ف بالي اني احارب الناس دي.
بس لما خرجت من كل الكيانات دي كذا صديقة مقربة ليا ضغطت عليا واقنعتني أني اعمل شغل لنفسي وف نفس الوقت يكون مختلف الشغل فيه عن برا وده فعلًا اللي حصل اول حاجه آسست جريدة لَحْنّ الأدبية والأخبارية وساعدتني صديقتي أميرة محمود والحمدلله الجريدة ف اول أسبوع كانت عاملة شغل عالي جدا وبدأت الناس تسألني ع مؤسسة لَحْنّ فبعدها آسست المؤسسة والشغل فيها برضو عظيم وماشي كويس وأن شاء اعمل شغل افضل الفترة الجاية ويكون مختلف.
_ما هي الصعوبات اللي واجهت حضرتك خلال اخر فتره من تأسيس جريدة لحن الإخبارية؟
=قبل ما تآسيس الجريدة قابلتني صعوبات كتير وهي ثقتي ف ناس كتير وطلعو م قد الثقة دي وكنت ببقى شغالة معاهم كأن الحاجه دي تبعي ومكنوش بيقدرو ده.
لكن الحمدلله من اول تآسيس الجريدة والمؤسسة وكل حاجه ماشية ومتيسرة وكأنهم آتأسسوا وربنا باعت معاهم خير وراحة بال.
الحمدلله.
_شايفة جريدة ومؤسسة لحن الإخبارية فين بعد كام شهر من دلوقتى؟
=شايفاها فوق جدا ان شاء الله ونا بحاول ع قد ما اقدر اني احقق ده واوصلهم لمكان اعلى وأن شاء الله الشغل الفترة الجاية هيكون م ع مستوى مصر بس لا هيكون ع مستوى العالم كله وهيبقى الشغل ف جميع أنحاء العالم بأذن الله.
_ما هي النصيحة التي تودِ قولها لمن يهمه أمرك.
=اول شيء بنصح أي كاتب مبتدئ أنه يبص لحلمه اول شيء يبص هو عاوز يوصل لأي وعاوز يحقق اي لان طول منت بتحلم هتعرف تحقق لكن لو بطلت تحلم م هتوصل لحاجة واهم حاجه اشتغل ع نفسك كتير وحاول مرة واتنين ومليون لحد ما توصل م عيب اننا نغلط بس العيب اننا منتعلمش م الغلط ونيآس وكمان حاولوا تعملو شغل لنفسكو ده اللي هينفعكم وكبروا نفسكو وخليكو واثقين من نفسكو وشغلكم ومتتأثروش بنقد وكلام حد لأن الناس عايشة عشان تتكلم بس الاهم انا مين وبعمل أي.
_حابة تضيفي شيء أخير؟
=حابة أشكر أي حد ساعدني ف بداية طريقي وع رأسهم صديقتي الجميلة تقى مؤمن مؤسسة كيان بيلسان لأنها وقفت جمبي كتير وكانت السبب اني احقق حلمي وأوصل لكل اللي عاوزاه ومزال لحد دلوقتي جمبي ومهتمه بيا وبشغلي وبأمري وطبعًا النائبة القمر سندس محمد اللي كانت سبب جميل أني برضو أوصل لكل ده وأكيد ليدراتي القمرات آية أحمد وأسماء المدني وقفو جمبي كتير وشجعوني أكتر وطبعًا أميرة محمود أكتر شخص استحملني ووقف جمبي وكانت السبب ف تآسيس الجريدة والمؤسسة وحقيقي ناس كتير وقفت جمبي وشجعتني بشكر آي حد كان سبب جميل ف حياتي وف مسيرتي الادبية.
وبالنسبة للجريدة والمؤسسة فحابة أتكلم عنهم لأنهم برضو شيء جميل وشيء أفتخر بيه.
الجريدة أدبية وأخبارية تقوم بنشر كل ما يخص الادب من نصوص وشعر وقصص وروايات ومقالات وكمان أخبارية وقريب جدا هتكون أخبارية دولية.
والمؤسسة فهي تعليم أساسيات الكتابة وتدريب ومسابقات وكل ده بدون مقابل سواء نشر الجريدة او شغل المؤسسة.
وبالتوفيق للجميع وشكرًا ليكِ♥️
_شكرا على قبولك هذا اللقاء واتمنىٰ أن أكون قد أنلت إعجاب حضرتك ♥️.
كانت معكِ الصحفية:نور وحيد"ست ورد"♥️
عظمة أوي 💙
ردحذففخورة بيكي جدًا🥺💙
حبيبي ❤
حذف