_اسمك أي
=منة الله ياسر مغربي"رنوة"
_عندك كام سنة
=١٦
_منين
=اسكندرية
_اي هي موهبتك
=الكتابة.
_أكتشفتِ موهبتك ازاي
=من صُغري وأنا كُنت بهوىٰ القراءة لما كبرت كان في شعور جوايا مكنتش عارفة اطلعه مع حد طلعته عن طريق الورق والقلم وكان في واحدة صحبتي معايا كاتبة اصلا وف الوسط لما عرفت كده دخلتني معاه واهوا وصلت للي فيه دلوقتي الحمدلله
_مين دعمك
=اهلي أولًا وصحابي
_بتواجهي الانتقادات ازاي
=بواجها بِكُل رصد رحب لأن مش كله هيكون حابب منة ياسر اكيد في حد هيكون شايفني حد مش كويس او حد مش بيبدع ، فأنا بواجه كُل ده كأنه مش موجود عشان متأثرش.
_اي هي الصعوبات اللي واجهتك
=الصعوبات كانت أول ما بدأت اكتب اللي كان بيتعامل معايا كأنه كان بيتعامل اديب كان فاكر أني عارفة كُل حاجة عن اللغة وطبعًا دَ مكنش موجود اول ما بدأت فَ دَ الصعب اللي وجهني ف الاول والحمد لله تغلبت عليه.
_شاركتِ في معرض الكتاب بعمل خاص او مجمع ؟
=أها ، شركت في عمل مجمع
_مين قدوتك في الكتابة
=لا كُتَّاب كتير بحبهم وبقرء ليهم مش حد معين .
_كتاب قرأتيه وترك أثر طيبًا، تنصحي بيه الكثير
=هو كان رواية حقيقي وكانت أسمها "أنا أنتِ" والأثر الطيب أن الكاتبة كانت تاركة حاجات كتير تخص حياتنا الدينية اللي المفروض الكل عارفها
_رسالة منك للكُتاب المبتدئين
=هتواجهوا صعوبات كتير طبعًا وهتسمعوا كلام سيء بس طبعًا منتأثرش بكدَ لأن محدش بيطلع مرة واحدة ومحدش بيكون عارف كل حاجة مرة واحدة لازم هنتعلم ولازم أهم حاجة نجاهد .
ومنه مثال للكاتب المثالي ،شكرا منه وشكرا لكل كاتب يمتلك هذه الموهبه .
أجري هذا الحوار الصحفي الصحفيه : ياسمين حسين.