اليوم مقالا عن ذات الثامنة عشر من عمرها بنت محافظة سوهاج.
أسمكِ؟
إبتِهال عاطِف النِصيري
سنكِ؟
18 سنة
محافظتكِ؟
سوهاج
موهبتكِ إيه؟
شاعرة وكاتبة وروائية
بدأت موهبتكِ أزاي؟
بكتابة القصص القصيرة في سن11 سنة
مين اللي دعمكِ؟
والدي ووالدتي قبل وفاتها كانت بتدعمني جدا واخواتي وبنات عمي رفيدة طارق وهاجر عادل وصديقتي الكاتبة مريم احمد وكتير من صحابي ومتابعيني
إيه المشاكل اللي واجهتكِ في نجاحكِ وأزاي تخطيها؟
واجهتني بعض المشاكل اللي مش حابة ذكرها كانت بتحبطني جدا وكانت احيانا بتخليني لدرجة باخد قرار البعد عن الوسط الادبي خالص لكن سريعا ما كنت بتراجع وبقول ان لازم ابقى اقوى من كدا واتمسك بحلمي اكتر ومسمحش لاي حاجة مهما كانت انها تحبطني او تقل شغفي وتبعدني عن اكتر حاجة بحبها وبتعرض كمان لبعض الانتقادات لكني بقول ان مفيش انسان ناجح ملوش منتقدين لازم اي انسان ناجح هيكون ليه منتقدين وحقودين ليه كتير بس مكنتش بهتم لاي حاجة خالص وكنت بفضل متمسكة بحلمي مهما حصل ومازلت متمسكة بيه
إنجازاتكِ إيه؟
صدر ليا اربع كتب نزلو معرض القاهرة الدولي للكتاب اول كتاب اسمو "متاهة الحياة" وتاني كتاب "ضجيج القلوب" مع فريق وحي القلم
تالت كتاب "اوبيا" مع فريق وريد ورابع كتاب "ديامونتا" مع فريق منهزم
وتكرمت ب اكثر من شهادة تقدير وكمان تكرمت بدرع سفراء التميز والابداع ف مؤتمر 26اغسطس 2021 وتمت معاية مقابله من برنامج هيستيريا على راديو كاسيت مع الاعلامية دعاء طارق
هل في كتب هتشتركي فيها وهتنزل قريب؟
مش اكيد لكن احتمال اشترك ف ديوان شعر قريب وبرتب لراوية خاصة بيا بإذن الله
مين قدوتكِ في الكتابة؟
انا اكتر حاجة بحب اكتبها الشعر و النثر وفنونة ولذالك قدوتي فيها الشاعرة اميرة البيلي
نفسكِ توصلي لإيه في مجالكِ؟
نفسي ابقى كاتبة وشاعرة ووائية ليها اسم ومعروفة ف الوسط بل ف العالم علشان اقدر اوصل رسالتي للعالم كلو
شايفة أنكِ قربتي تحققي أحلامكِ ولا لسة؟
اها الحمد لله انا شغالة الفترة دي على نفسي جدا ومفرغة اغلب وقتي لدا علشان دا حلم بجد مش مجرد موهبه ف الحمد لله يعني شبه قربت يعني او تخطيت اول درجين من سلم النجاح
عايزة تنصحي غيركِ بإيه؟
مهما كان حلمهم اي يتمسكو بيه مدام هما عايزين الحاجة دي يبقى ميسمحوش لاي حد مهما كان مين انو يمنعهم منها مادامو واثقين من نفسهم انهم قادرين يحققو الحاجة دي ويوصلو لهدفهم ف هما بالفعل قادرين ف ميسمحوش لاي حد يقلل منهم او يحبطهم يعني التمسك بالحلم دي حاجة حلوة جداا يعني وبجد فخورة باي حد عندو حلم وهدف بيسعى عشانو ومازال متمسك بيه وبالتوفيق للجميع.
الصحفية : ثريا محمد
من جريدة لحن الأدبية والاخبارية.