(1) ممكن نبذه تعريفيه عنك؟
أنا سيف محمد بدوي
كاتب روائي مصري ولدت في محافظة الدقهلية بمدينة بالمنصورة عام 5/1/2003 أدرس في معهد عالي إدارة أعمال ببلقاس وسني ١٩ سنه.
(2) أمتي بدأت كتابة؟
بدات الكتابة في سن 17 وأول اعمالي رواية شقة ٥٦ ومجموعة قصصية برسيس ولي أعمال اخري لم يتم نشرها وشاركت في معرض الكتاب الدولي للكتاب لسنة ٢٠٢٠/ ٢٠٢١/ ٢٠٢٢.
(3) ايه صعوبات الي واجهتك؟
الصعوبات اللي واجهتني ان فيه بعض الأشخاص بيحاول يحبطوا الشخص اللي قدامهم من حيث انه ميوصلش لهدفه وفيه برضو أشخاص بتقولي انت بقيت كاتب ازاي ايه الهبل ده بس الحمدلله بفضل ربنا ودعم عيلتي واصدقائي ساعدوني ان اتخطي الصعوبات.
(4) ازاي بتتخطي الصعوبات دي؟
بتخطي الصعوبات عن طريق ان دايما بشجع نفسي بحط هدفي قدامي واقدر اخطط له لاحد ما اوصله حتي لو كانت الصعوبات اللي واجهتني تقليل من العمل أو حتي احباط ده بيشجعني اكتر أن اكمل واستمر وأحاول.
(5) ايه اهم إنجازاتك؟
اهم انجازاتي ان شاركت في معرض القاهره الدولي للكتاب علي مدار سنتين بكتابين وأنا سني صغير وشاركت في معارض كنت أتمني ادخلها.
(6) ممكن تكلمنا عن العملين؟
اول اعمالي خلصتها في يناير وهي شقة ٥٦ شقة ٥٦ هي رواية تحفزية رومانسية تغيير حياه حبيت أبدء الرواية بكلمه "ما أجمل ألا يكون لديك ماضي تنزعج بشانه" وهي فعلًا كان هيبقي الحياه عظيمه لو معندناش ماضي يزعجنا بتكلم فيها عن بطل الروايه اسمه يوسف وهو كان شاب في الثانويه العامه وكان شخص فاقد الامل في الحياه وكان بيطلب الموت دايمًا والبطل وصفته ان هو نص دراعه الشمال فيه صليب ودراعه اليمين فيه آيه الكرسي وعلي صدره كلمه من الإنجيل وفيه كذا سؤال جالي علي الروايه ان ليه وصفت البطل كده الفكره هيظهر اللغز في الفصل الخامس اسم الفصل المستشفى وهيبان ليه ان جسمه كده وتحدثت فيها عن مرحله المراهقه وعن صحاب وطبعًا هيظهرله ملاك الحارس آلاء محمود الفرجيلي ويبدا يدخل في عالمه الخاص ان يحاول يوصلها ولما يبدأ يتغير علشانها فجأه يجي له "مرض الموت".
وبالنسبة لمجموعة قصصية برسيس فهي مجموعة قصصية رعب.
(7) من وجهة نظرك كاتب مثالي بيتصف ب ايه؟
إن أعماله الأدبية هادفه والاسلوب والسرد والحوار يكون سلس وان يكون مبدع في توصيل وجه نظره للقارئ.
(8) وسط ادبي مفتقد ايه؟
الوسط الادبي مفتقد الدعم من القراء لان أري أن القراء كثيرون ولكن لفئة معينة من الكتاب وأتمنى أن يرى الناس جميع الكتاب وجميع أنواع الأدب ولا يحصرون أنفسهم في فئة معينة.
(9) وجه كلمه لكُتاب مبتدئين؟
أبدء خطط وشارك في كل المسابقات ومتستعجلش علي النجاح لكن اصنع نفسك بنفسك واصنع انجازات انت قدها ومفيش حاجه مستحيلة ومتستسلمش ثق في نفسك أومن بنفسك وثق في ربنا وأنت هتوصل.
(10) مين مثلك الأعلي؟
الأديب العالمي “نجيب محفوظ”
والكاتب محمد عصمت.
(11) بنسبالك كتابه موهبه ولا أي شخص يقدر يكتب؟
هو اه اي شخص يقدر يكتب من حيث ان يقرا كتير في اللغه العربيه الفصحى ويبدأ مع كورسات تقوية.
(12) مين وقف جمبك في بداية مشوارك؟
عيلتي وكان الفضل لوالدي ووالدتي وخالتي هما اللي شجعوني ان اكمل في الكتابة وكانوا دايما دعم ليا وبيساعدوني ان اظهر واوصل للي بتمناه.