كتير أوى من مشاكلنا النفسية والعاطفية بتزيد لما بنبالغ فى مشاعرنا سواء كانت المبالغة دى بالحب،العطاء،التعلق أو حتى المبالغة فى التحمل، طب لية بنواجة مشاكل بسبب كدا رغم أن كلها مشاعر إيجابية وجميلة ؟!
لأن ببساطة كدا وزى ما بيقولوا :
" إذا زاد الشئ عن حدة إنقلب ضدة "
بمعنى إنك لما بتبالغ فى حب حد بيبقا درجة كرهك لية لو حصل حاجة بينكم بنفس مبالغتك فى حبة ويمكن أكتر كمان وكذلك لما بتبالغ فى العطاء للشخص اللى قدامك لو مقدرش عطائك هيبقا أكيد وبلا شك كمان أن المنع هيبقا مبالغ فية أوى وبرضو إحنا كبشر لما بنبالغ فى تعلقنا ونيجى عند مشكلة معينة وخلاص معاد قطع الوصل والتعلق بيجى بيبقا قطع مبالغ فية، ولما بنفضل نحمل نفسنا أكتر من طاقتنا بنيجى عند لحظة معينة وننفجر وبيبقا أنفعالنا قوى جداً لدرجة أننا مش بنستحمل أى حاجه تانية، طب نقف لحظة ونسأل نفسنا إية السبب فى دا كلة ؟
هنلاقى الإجابة واضحة أننا بالغنا فى مشاعرنا ومطبقناش مبدأ الأعتدال ال كان مفروض نطبقة عشان منواجهش مشاكل وسلبيات كتير، فبنيجى للحظة ال بنعرف فيها إننا كنا غلط لما بالغنا فى الحب، العطاء أو أى حاجة تانية فيها مبالغة لمشاعرنا لأن ببساطة محدش طلب مننا أننا نديهم أكتر من طاقتنا ف إحنا ال غلطنا فى حق نفسنا من الأول عشان مطبقناش مبدأ الأعتدال، فعشان كدا لازم نفهم قد أيه الأعتدال وموازنة المشاعر شئ مهم عشان منتعبش ف ال باقى من حياتنا فببساطة وبكل سهولة متبالغش فى أى حاجة فى حياتك وعلى قد ما تاخد وتشوف منهم أديهم لأن كل لما المشاعر هتبقا متوازنة العلاقات هتبقا مترابطة...!
بقلم/ إسراء خورشيد