حوار خاص مع المبدعة شروق بدر والصحفية رهام الباز

 

أسمكِ؟شروق بدر 

سنكِ؟ 15 سنة 

محافظتكِ؟المنوفية

موهبتكِ إيه؟الكتابة الخاصة بالخواطر 

بدأت موهبتكِ أزاي؟ كنت قاعدة في أمان الله لقيت نفسي بكتب وحابه أكمل في دا 

مين اللي دعمكِ؟ والدي الله يرحمه وأختي وأمي كانت معارضة بس رضيت والحمدلله وشخصي المفضل واللي شجعني وكان معايا دايمًا سديم وشيماء الكومي وكانوا بيخلوني أكمل 

إيه المشاكل اللي واجهتكِ في نجاحكِ وأزاي تخطيها؟بصراحة حصلي مشاكل عائلية كتير ومشاكل مع الأصدقاء والدراسة وغيرها طبعا بس الحمدلله أنا كل مرة كنت بسكت وأفكر بعقل أحسن ما أتصرف بسرعة وأطلع من غير تفكير وأكون أنا الغلطانة وشوفت أدلة كتير وأثبت إني صح وبعدين سبت اللي أذاني دا في حاله لأن مش من عوايدي إني أكره حد وبكمل وبعيش عادي لأن الحياة مش هتوقفني لمجرد مشكلة طبعًا

إنجازاتكِ إيه؟ بصراحة أول كتاب ليا هيبقىٰ كتاب أفلاطوني تبع كيان أفلاطوني ودا هيبقي أول إنجاز ليا وكنت طلعت قبل كدا الكاتبة المثالية وباخد شهادات وبطلع المركز الأول وساعات الثاني والثالث بس دا نادرًا ما أطلع الثالثة وأشتركت مع رهام الباز في كتاب إلكتروني ومشتركة في كتاب تبع كيان خطيئة بردو 

حاجة من كتاباتكِ؟ 

*مهما يطول النوىٰ لا أنسىٰ ذِكراها*

أسرد هذا لها وعنها، أنتظر قدومها، ركوع الروح عظيم ولكن قد حدث ذلك أمامها، وكل المواجد مأثورة منها،وكيف لي بأن أنسىٰ ماذا حفرت في ذهني؟، و بيننا العمر كان يمر، وبنظرة العين نجد بها الأمل، أو ما قد جرىٰ خيرًا، كنت أقول لعلها تعود و لكن النور داخلي أُصيب بالخفوت، وبـروحي هذه الإنطفاء موجود، والراحة ذهبت ولن تعود، وكتاب كُنت في قديم زماني كالياقوت، ولكن الآن لا أعلم ما قد فُعل لأُدفن هكذا بين الحصور وبين كل قطعة من خافقي تَكنْ الشروخ، كنا نقول "لا حياة مع اليأس ولا يأس مع الحياة"، لكن المحاولات أخفقت فأصبحنا بأوجاعنا لا نبوح، وبكل تراكُم بداخلنا مُميت لدرجة ما، وإنه مع الآخرين أصابنا بالفتور، وأبتعدنا عن كل شئ أحببنا ولم نشعر بما أُدرك بعد حين، والقول من فمِ لفمٍ كـمنطقة العبور، للتشبت وبناء جدار متين، أيا هىّ علاقة تشرح الكثير وتقدم أم تقوم بـهدم كل سوء فهم صغير، ونعود لأحبتنا السابقين ونغدو علىٰ يوم حميم، وخلود مجيد مع أصدقاء صادقين أي لنا مُحبين، وبين كل الكئابةِ وأيضًا المهادمِ أعلم أنه سـيُزيل كل العقبات وتنتهي هذه الحروب مع الحياة حتىٰ الموت فلنبقىٰ نحارب دائمًا لأجل من نحب ولأن نكون. 

لِـ شروق بدر" روجندا"

             

مين قدوتكِ في الكتابة؟ الشاعر أنيس شوشان بصراحة كتاباته رائعة جدًا يعني وسديم وشيماء الكومي 

نفسكِ توصلي لإيه في مجالكِ؟ أبقي الكاتبة المفضلة للجميع طبعًا وإني أتحسن في مجال الكتابة جدًا يعني 

شايفة الوسط لمجال الكتابة ازاي؟ الوسط فيه المحترم وفيه اللي مشز كويس وبيعمل حاجات ملهاش لازمة بردو لكن هو جميل بتتعرفي منه علىٰ ناس محترمة وبتبقىٰ أصحابك أكتر اللي بتبقي عايشة معاهم 

شايفة أنكِ قربتي تحققي أحلامكِ ولا لسة؟ لا قربت جدًا ولسه مكلمة طبعًا لأني مش هكتفي بشوية إنجازات قليلة أنا عايزة أترك بصمة في قلب الكل يفتكرني بيها حتي لو بسيطة فعلاً 

عايزة تنصحي غيركِ بإيه؟

في حاجات كتير جدًا عايزه أنصحهم بيها أولها لما تقابلك مشكلة متجريش خلف غضبك لأنك هتغلط أوي، أستقر وأي حاجة تدايقك خليها جواك رتبها وبعدين حاول تحلها في حالة إنك عايز تحقق حاجة متدورش إنك هتعلىٰ مرة واحدة لا أطلع درجة درجة عشان تكون إتمكنت وهتبقىٰ أفضل، متسندش علىٰ شخص بيأذيك كمل مع نفسك وحقق وخطط لحد ما توصل لحلمك دا بس بعقل مش اي حاجة وخلاص *إتقن ما تفعل لـتصل إلىٰ ما تُريد*عايزة أقول للكل أنتوا تقدروا تحققوا كل اللي عايزينه بس بعيد عن إنك تحكي لحد خلي اللي بتعمله في قلبك لحد ما يطلع للكل ويبقوا مدهوشين من إنجازك، متسمعش لكلام حد أنت مش فاشل حط في دماغك أنك أنجح واحد وأنك تقدر علي كل شئ ولا تعترض أبدًا علي أمر ربك لأنه الخير دايمًا.

أتمت الحوار الصحفي الصحفية: رِهام الباز