س1/اسمك وسنك وعنوانك؟
_احمد عايد قاسم.
الاصل من محافظه بني سويف
مقيم في القاهره
26 سنه
س2/نوع موهبتك؟
_شاعر عاميه وكاتب خواطر ومؤلف اغاني
س3/كيف بدأت مسيرتك ومتي؟
_مش فاكر بالظبط بس نقول بدأت كتابة من ٥ سنين مثلا
والظهور في الوسط والحفلات كان من ٤ شهور بس تقريبا
بدأت بحبي لكتابة المقالات والرسايل والقصص. اكتشفت الموهبة بعدها
س4/كان يعلم احد بموهبتك منذ البدايه؟
_أصدقائي بس
س5/سبق وحضرت حفلات من قبل؟
_حضرت حفلات كتير جدا ك ضيف شرف في تكريم كتاب المبادرات
لكن على الجانب الفردي
طلعت كذا حفلة
البداية كانت حفلة كبيرة جدا في دار الربع الثقافي بشارع المعز
ثم أفضل حدث ليا
كان الظهور على مسرح ساقية الصاوى
وبعد كده
حفلة في مسرح ريجنسي في نقابة التطبيقيين في العباسية
وحفلة في قاعة لورا بالعصافرة في الإسكندرية
س6/حصلت علي شهادات الكترونيه او ورقيه من قبل؟
_إلكترونية كتير اوي
ورقية برضو كتير
في كل حفلات المبادرات
س7/سبق وشاركت في عمل لمعرض الكتاب؟
_شاركت في معرض الكتاب 2021
في كتاب شِعر مجمع
بعنوان
وننسىٰ ازاي
تابع لمبادرة فكر وإبداع.
س8/مين سبب دعمك؟
_والدتي الله يرحمها
ثم بعض أصحابي وقرايبي
وناس تابعتني.
س9/كيف تواجهه الانتقادات؟
_للأسف الشديد كنت بضعف قصاد الإنتقادات وده لطبيعتي إني شخص حساس بيزعل من اي حاجة، ولكن مع مرور السنين، خبرتي في الحياة عامة بتزيد، وبعد وفاة والدتي تحديداً، مبقاش فيه حاجة أقلق منها، وبقيت أواجه الإنتقادات بالشكل السليم، بستفيد من النقد البناء، والكلام اللي ملوش لازمة كأني ماسمعتش عنه خالص
س10/ماهي نصيحتك للشباب؟
-أي حد بيواجه انتقادات
لازم يستفيد من النقد البناء منها
وده من خلال إنه يتابع مع حد فاهم في المجال كويس يساعده على تصحيح غلطاته والتطوير من مستواه، ولازم تتعود إنك هتفضل تواجه انتقادات مهما كان مستواك مميز
أحب أقول لأي شخص عنده حلم أو موهبة حاجة أنا كاتبها بتقول :
الماضي خلاص إنساه وابدأ
كوباية يأسك واتكبت
طول ما انت بتسعي تكون ناجح
أحلامك تفضل قدامك
امسك بإيديك الاتنين تَبِت
أملك في الله زرعة جميلة
َومادمت ساقيها فهتنَبِت
كتبت الحوار الصحفيه/روضه جمعه.